Klublar o‘rtasidagi JCH. Messining goli “Inter Mayami”ga “Portu” ustidan g‘alaba keltirdi
AQSHning “Inter Mayami” jamoasi klublar jahon chempionati guruh bosqichining 2-turi doirasida Portugaliyaning “Portu” jamoasini 2:1 hisobida mag‘lub etdi. O‘yin Atlantada (Jorjiya shtati, AQSH) bo‘lib o‘tdi.
Kino va seriallarni 7 kun bepul tomosha qiling
Gʻoliblar safida Telasko Segoviya (47-daqiqa) va Lionel Messi (54-daqiqa) gol urdi. "Portu" jamoasidan esa Samu Agexova (8-daqiqa, penaltidan) hisobni ochdi.
TelecomTV xizmatiga 7 kunlik bepul kirish imkoniyatiga ega bo‘ling.
Quyidagi tugmani bosing va hoziroq boshlang!
Messi jarima zarbasidan to‘g‘ridan-to‘g‘ri urib, faoliyatidagi 68-golini kiritdi. Argentinalik hujumchi 2023-yil iyulidan buyon o‘ynayotgan "Inter Mayami" safida 50-marta raqib darvozasini ishg‘ol qildi. O‘tgan mavsumda Messi Futbol Oliy Ligasi muntazam chempionatida g‘oliblikni qo‘lga kiritdi va turnirning eng yaxshi o‘yinchisi deb tan olindi.
U 2003-yildan 2021-yilgacha "Barselona"da to‘p surdi va bu jamoa bilan o‘n marta Ispaniya chempioni, to‘rt marta Chempionlar ligasi g‘olibi va uch marta klublar jahon chempioni unvonini qozondi. Shuningdek, u Fransiyaning "Pari Sen-Jermen" jamoasida ham o‘ynab, u bilan ikki marta milliy chempionatda g‘oliblikni qo‘lga kiritdi. Argentina terma jamoasi bilan Messi jahon chempionati (2022) va Amerika kubogini (2021, 2024) yutdi.
Ikki turdan so‘ng "Inter Mayami" 4 ochko bilan A guruhida 2-o‘rinni egallab turibdi. Qo‘shimcha ko‘rsatkichlar bo‘yicha AQSH jamoasidan oldinda borayotgan Braziliyaning "Palmeyras" jamoasida ham shuncha ochko bor. "Portu" va Misrning "Al-Ahli" klublari 1 ochkodan to‘pladilar. Guruh bosqichining so‘nggi turida "Inter Mayami" "Palmeyras" bilan, "Portu" esa "Al-Ahli" bilan o‘ynaydi. Ikkala o‘yin ham 24-iyun kuni bo‘lib o‘tadi.
O‘xshash mavzular
