Neymar yozda “Barselona”ga qaytishi mumkin — manba
“Santos” klubining braziliyalik hujumchisi Neymar yozgi transfer oynasida Yevropa klubiga qaytmoqchi. Bu haqda Cadena Ser nashri xabar bermoqda.
Kino va seriallarni 7 kun bepul tomosha qiling
Manbaga koʻra, braziliyalik futbolchi yana Yevropaga qaytib, dunyoning eng kuchli ligalarida oʻynashni xohlaydi. Ammo buning uchun u top-klublarni unga ishonishga majbur qila olishi kerak. Mavjud variantlar ichida u hech ikkilanmay qabul qiladigan yagona taklif “Barselona” hisoblanadi.
Maʼlumot uchun, Neymar “Santos”ga oʻz professional faoliyatini qayta tiklash uchun oʻtgan. U Braziliya chempionati kabi nisbatan yengil musobaqada yana oʻzining eng yaxshi oʻyinini koʻrsatishga harakat qiladi. Bungacha Neymar 2 yil davomida Saudiya Arabistoni klubida toʻp surdi.
Neymar Kataloniya klubida 4 yil (2013-2017) oʻynagan. Ushbu davr mobaynida futbolchi 123 uchrashuvda maydonga tushib 68 bor raqiblar darvozasini ishgʻol qilgan. Transfermarkt portali 33 yoshli futbolchining transfer narxini 15 million yevroga baholamoqda.
O‘xshash mavzular
