NKMK yarim yilda oltin qazib olishni 1,4 foizga oshirdi
2025-yilning yanvar-iyun oylarida Navoiy kon-metallurgiya kombinati 60,8 trillion so‘mlik mahsulot ishlab chiqargani ma’lum qilindi. Bu haqda korxonaning matbuot xizmati xabar berdi.
O‘xshash mavzular
11.07.2025
Oltin ishlab chiqarish hajmi 1,4 foizga oshib, 1,53 million troya unsiyasidan ortiqni tashkil etdi. So‘m ekvivalentida esa ishlab chiqarish hajmi o‘tgan yilning shu davriga nisbatan 44 foizdan ko‘proqqa ko‘tarilgan.
“Kap Depo” tomonidan taqdim etilgan ma’lumotlarga ko‘ra, hisob-kitoblar bir troya unsiyasi uchun 3113 dollar narxdan kelib chiqib amalga oshirilgan.
Investitsiya loyihalarini moliyalashtirish hajmi 40 foizga qisqargan — o‘tgan yilgi 363,5 million dollardan joriy yilda 219,5 million dollarga kamaygan. Shu bilan birga, yaratilgan yangi ish o‘rinlari soni 4 barobardan ko‘proqqa ko‘payib, 1190 taga yetgan.
Mahalliylashtirish doirasida 757,5 milliard so‘mlik mahsulot ishlab chiqarilib, bu ko‘rsatkich 60,6 foiz o‘sishni ko‘rsatdi. Shu bilan birga, tarmoqlararo sanoat kooperatsiyasi asosida 3,6 trillion so‘mdan ortiq mahsulot xarid qilingan, bu esa 12,5 foizga o‘sishni anglatadi.
O‘xshash mavzular
