Oldin va hozir: “Choliqushi” seriali aktyorlari 39 yil ichida qanday oʻzgardi?

Aydan Shener , Kenan Kalav va Sadri Alishik rollarini ijro etgan serialda davrning muhim aktyorlari ham ishtirok etdi. Namoyish paytida katta muvaffaqiyat qozongan serial 1990-yillar boshida qator mamlakatlarda namoyish etilganida katta eʼtiborni tortdi.

Aydan Shener (Feride) aynan “Choliqushi”dagi roli bilan tanilgan. Aktrisaning yana bir mashhur filmi “Somon yoʻli” loyihasi edi. Aydan bosh qahramon Zyulal rolini oʻynadi. Turk seriallari yulduzi 60 dan oshganiga qaramay, oʻzining latofatli koʻrinishi va nazokatini saqlab qolgan. U oʻzining betakror xarizmasi va isteʼdodi bilan koʻplab xorijiy mamlakatlarda eʼtirof etilgan.

63 yoshli Kenan Kalav (Kamron) soʻnggi yillarda kino olamida koʻrinmay qoldi. Uning soʻnggi roli 2011-yilda tasvirga olingan “Yillar oʻtib” filmidagi obrazidir. U hozirda faol biznes faoliyati bilan shugʻullanadi. Jumladan, Kenan Barselona shahri yaqinidagi bir qancha restoranlar tarmogʻi asoschisi va rahbari hisoblanadi.

Mine Chayrogʻlu (Munise) 2000-yillarda musiqa albomini chiqardi. Musiqa taʼlimini yoshligida boshlagan aktrisa Angliyadagi Gildford Aktyorlik maktabida aktyorlik taʼlimini boshlashdan oldin va keyin qoʻshiq saboqlari olib, ovozini oʻrgatdi va albomining tayyorgarlik bosqichini yakunladi. Mete Oʻzgencil bilan bir yillik tinimsiz mehnatdan soʻng yakunlangan albom 2004-yilda Zumrut Gibi nomi bilan chiqdi . U 2008-yilda ALTONA Music & Film Production kompaniyasiga asos solgan.

Seray Goʻzler (Mujgon) Istanbul davlat teatrida aktrisa boʻlgan sanʼatkor turli filmlar va seriallarda ishtirok etgan. U davlat teatri artisti Saydam Yeniayga uylangan va Ege ismli oʻgʻli bor. 2002-yili “Kaktus chechagi” filmidagi roli uchun “Afife Jale” teatr mukofotini (Eng yaxshi komediya ayol artisti) va 2011-yili “Ikkichi ikki” spektaklidagi roli uchun Ishmet Kuntay teatr mukofotini (Eng yaxshi ayol sanʼatkor) qoʻlga kiritdi.