Аввал ва ҳозир: «3 савдойи» фильми актёрлари 15 йилда қанчалик ўзгарди?

Фильмда бош ролларни Амир Хон, Ранганатан Мадхаван ва Шарман Жоши ўйнаган. Фильм воқеалари ҳозирги кун ҳамда 10 йил аввалги воқеаларни эслаш билан кечади.

Фильмда бош образ — Ранчход Дас Чанчад, Ҳиндистондаги Империал инженерлар коллежи талабасидир. Фильмдаги бош қаҳрамонга шерик образ сифатида Карина Капур танланган. Асар Ҳиндистон таълим тизимидаги босимлар ҳақида кучли сатирик тарзда ишланган.

Фильмнинг бош қаҳрамони Амир Хон (Ранчо) инсон ички фалсафасини очиб берувчи роллари билан мухлислар қалбидан жой олган. У «3 савдойи»да суратга тушганда 44 ёшда бўлган. Ҳинд киноси афсонаси айни кунларда продюсерлик билан шуғулланмоқда.

Шарман Жоши (Ражу) ҳинд актёри ва телебошловчиси бўлиб, асосан ҳинд фильмларида фаолият олиб борган. Унга машҳурлик айнан шу фильм орқасидан келган. У 2010 йилда «Энг яхши иккинчи пландаги актёр» номинациясида IIFA мукофотига сазовор бўлган. Жоши айни пайтда телекўрсатувларда бошловчилик қилади.

Сценарийнавис ва продюсер Ранганатан Мадхаван (Фарҳан) 2010 йиллардан кейин ҳинд фильмларида кўринмай қолганди. У 2015 йилда камбэк қилиб, Amazon стриминг-хизмати томонидан ишланган «Нафас» веб-сериалида суратга тушди. Актёр ҳозирда кенг кўламли хайрия ишлари билан шуғулланади.

Ҳинд фильми қироличаларидан бири ҳисобланувчи Карина Капур (Пиа) айни дамда 44 ёшда. У кўплаб мукофотлар, шу қаторда, олти карра Filmfare мукофотига сазовор бўлган ва Болливуднинг энг машҳур ва энг кўп ҳақ тўланадиган актрисаларидан бири. У 2022 йилда Форрест Гампнинг ҳиндча муқобилида Амир Хон билан жуфтлик ролида кўриниш берган.

2020 йилда Боман Ирани (Вирус) бўлса ҳаваскор ва профессионал сценарий муаллифларини бирлаштириш мақсадида Spiral Bound номли маҳорат дарсини ўта бошлади. Меҳмон маърузачилар орасида драматург Анош Ирани ва режиссёрлар Ражкумар Ҳирани, Рам Мадҳвани ва Шакун Батра ҳам бор эди. Spiral Bound 500 дан ортиқ сессияларни ўтказди.

42 ёшли Оми Ваидя (Чатур) ўзининг «3 савдойи»даги бетакрор роли билан мухлислар ёдида қолган. АҚШда туғилиб ўсган Оми кўплаб қисқа метражли фильмларга режиссёрлик қилган ва тўлиқ метражли фильмлар монтажчиси сифатида фаолият юритган. У, шунингдек, бир қанча рекламаларда роль ўйнаган ҳамда продюсер сифатида ҳам иш олиб борган.

Раҳул Кумар (Миллиметр) ҳозирда 29 ёшда. У фильм актёрлари ичида энг ёши эди, чунки Кумар гавдалантирган роль ҳам шунга яраша бўлган. Актёрга том маънодаги машҳурлик айнан «3 савдойи»дан келган. У ҳозирда қўшиқчилик билан шуғулланиб, рекламаларда суратга тушмоқда.

Ушбу мақола ёрдамида сизга хотиралар оламига шўнғишга ёрдамлаша олган бўлсак, ўз вазифамизни тўлиқ бажарган бўламиз. Тўпламни сериални севиб томоша қилган яқинларингизга ҳам улашиб, уларни ҳайратда қолдиришни унутманг. Кейинги мақолаларда кўришгунча, ўзингизни эҳтиёт қилинг!