Ёмғирлар ва биринчи совуқлар. Ўзбекистондаги об-ҳаво ҳақида ҳафталик маълумот ва ҳар кун учун 7 та образ
Тошкент ва Ўзбекистоннинг бошқа ҳудудларида иш ҳафтасининг бошланиши унчалик ёқимли об-ҳавони ваъда қилмайди: ташқарида ёмғир ва биринчи куз совуқлари. Агар сиз ҳам Маша каби иссиққина кўрпангиздан чиқишни хоҳламасангиз, буни фақат янги кийимларни кийиб юриш имконияти қутқариши мумкин. Шунинг учун сизга ҳар кунги 7 та образ ва ҳафталик об-ҳаво прогнозини тайёрлаб қўйдик.
Yangi yilga eng yaxshi sovg‘ani topdik. BU NIMA?
Тошкентдаги – 14-20-октябр об-ҳавоси
14-октябр
Душанба куни Тошкентдаги об-ҳаво – йиғлайдиган ҳаво мисоли бўлиб, қайғу сўзи билан синоним бўлади: сизни +14 даража ва ташқарида тўхтовсиз ёмғир кутмоқда. Лекин бу, аъло кайфият рецептини билганлар учун қўрқинчли эмас: бир чашка қаҳва, маҳкам қучоқ ҳамда энг замонавий ва иссиққина устки кийим. Машада бу Ўзбек бренди “I’MSiLK” томонидан яратилган қаймоқ рангли “қақнус” икати.
15-октябр
Булутлар фестивали давом этмоқда: Тошкентдаги об-ҳаво сешанба куни бироз ёмғирли, шамолли бўлади ва ҳарорат +13..+14 даража бўлади. Энди қулай йўл-йўл бўртмали костюмни кийиш вақти келди. Маша шундай шоколад рангли костюмни “Sh Usman”дан сотиб олган.
16-октябр
Иш ҳафтасининг ўртаси энг совуқ кун сифатида, аммо очиқ ва қуёшли бўлиши кутилмоқда. Чоршанба куни кундузги ҳаво ҳарорати +11 даражага етади, кечқурун эса +7 даражагача тушади. Бу ерда моданинг чўққисида турган боберни киймай иложи йўқ: “Maru” брендининг янги модели эса ширин шоколад, қаҳва ва карамелл рангли костюмлар билан жуда мос кетади.
17-октябр
Бугун пайшанба ва биз биринчи совуқлардан ўтдик ва жума куни ҳам яқинлашиб келмоқда – табриклаймиз, демак дам олиш кунлари ҳам яқин! Ташқаридаги +16 даражали ҳаво ва қуёшли кун пайшанба кунига совға қилинади. Энг севимли жинси шимлар ёки свитерингизни кийиб, ишга ёки сайрга чиқишингиз мумкин. Машани эса “Tamara Samadova” жинси шимлар ва “Dildora Kasimova”дан узун енгли футболка – лонгсливда кўришингиз мумкин.
18-октябр
Янги – жума кунини кутиб оламиз ва пойтахтдаги +20 даражага қувонамиз. Бугун жума куни бўлгани учун офисга безаниб бориш мумкин. “Teplo Store”дан контраст астарли ва кенг елкаларга эга ажойиб палто-пиджак кийиб, бир неча ҳамкасбларингизнинг ҳавасига сабаб бўлиши мумкин. Кечқурун Тошкентда +17 даража бўлади, шунинг учун иссиққина кийинишга тайёр туринг.
19-октябр
Шанба тонгини ухлаб, дам олиб ва дам олиш кунларидаги афишаларни кўздан кечириб ўтказамиз. Тошкентда бугун ҳаво булутли, аммо кун давомида очилиши ҳам мумкин, ҳарорат эса +24 даражага етади. Кечқурун севимли дўстларингиз ёки оилангиз билан бирор жойга чиқишни режалаштиринг – Маша аллақачон “Punto” ресторанида стол банд қилди ва у ерга жиловланадиган қора ипак либосини кияди. Ўзбек дизайнерларидан ажойиб классик кўйлак.
20-октябр
Якшанба – қуймоқлар, паркда сайр қилишлар ва бозор ёки “Tashkent City Mall”да харидлар қилиш учун яратилган. Метеорологлар эрталаб ёмғирлар бўлишини айтишади, кейин эса бизни ёқимли, очиқ ва +20 даража иссиқ ҳаво кутяпти. Нонуштангизни қилган бўлган бўлсангиз, ташқарига энг қулай кийимда чиқинг. Машани спорт трикотажли спорт шими ва “Uzbek Identity” оверсайз футболкасида кўришингиз мумкин.
