Ҳиндистон тўлов тизими Humo ва Uzcard билан интеграция қилиниши мумкин
Ҳиндистоннинг Unified Payments Interface (UPI) тўлов тизими Humo ва Uzcard билан интеграция қилиниши мумкин. Бу ҳақда Марказий банк матбуот хизмати хабар берди.
Kinolarni bepul ko‘rish imkoniyati!
29 октябрь куни Марказий банкда Ҳиндистоннинг NPCI Миллий тўлов тизими корпорацияси вакиллари билан ҳамкорлик масаласида учрашув ўтказилди.
Унда мамлакатнинг рақамли тўлов тизимларидаги тажрибаси, NPCI тўлов тизимининг оммабоп ва қулай хизматлари, сўнгги технологиялар ва киберхавфсизлик талабларига мослиги хусусида тақдимот қилинди.
Суҳбат давомида томонлар мамлакат тўлов тизимини такомиллаштириш ҳамда киберхавфсизликни ривожлантириш соҳаларида тажриба алмашиш ва ҳамкорликни ўрнатиш масалаларини муҳокама қилишди.
Шунингдек, NPCI вакиллари бирлашган тўловлар интерфейси Unified Payments Interface (UPI)ини Ўзбекистондаги Humo ва Uzcard тўлов тизимлари билан интеграция қилиш имкониятига қизиқиш билдирди.
Буни ҳам ўқинг
