«Манчестер Юнайтед» афсонаси Абдуқодир Ҳусанов келажаги ҳақида гапирди
Абдуқодир Ҳусанов жорий йилнинг январь ойида «Ланс»дан «Манчестер Сити»га ўтганидан кейин Ўзбекистон миллий жамоасининг энг машҳур футболчисига айланди.
Албатта, бунинг бир неча сабаблари бор. Биринчидан, «Сити» ўндан ортиқ номдор клублар ов қилган ўзбекистонлик футболчи учун жуда катта маблағ — бонуслар билан бирга 50 миллион евро сарфлади.
Иккинчидан, Абдуқодир Ҳусанов кутилмаганда Хосеп Гвардиола қўл остида асосий таркиб футболчисига айланди. 21 ёшли легионернинг «Реал», «Ливерпуль», «Ньюкасл» ва «Тоттенхем» каби жамоаларнинг энг кучли ҳужумчиларига қарши ўйинлари мухлислар ва мутахассислар томонидан юқори баҳоланди.
Таниқли инглиз футболчилари, экспертлар ва мураббийлар ўзбек футболчиларининг салоҳияти ва истеъдодини тез-тез баҳолай бошладилар.
Энди «Манчестер Юнайтед» афсонаси Рой Кин Абдуқодир Ҳусанов ҳақида ўз фикрини билдирди.
Ҳусанов дебют ўйинидаги нохуш воқеаларни унутди, деб ўйлайман. Бу ерга эндигина келган футболчи учун янги мамлакатга мослашиш, тил ўрганиш ва янги жамоадошлари билан тил топишиш осон эмас.
Менимча, Абдуқодирда ҳаммаси кўриниб турибди.
Бу футболчининг дебюти қийин кечгани тушунарли, аммо бу вазият футболчи босиб ўтиши керак бўлган синов. Ҳусанов яхши ўйинчи ва ҳаммаси жойига тушади. Унга тўлиқ мослашмоқ учун ҳали вақт керак.
Яқин келажакда Ҳусанов «Манчестер Сити»нинг етакчи футболчисига айланади, бунга шубҳам йўқ, — деди Рой Кин ИТВ телеканалига берган интервьюсида.
Буни ҳам ўқинг
