Ой сарҳисоби: Октябрда Ўзбекистонда ва дунёда нималар содир бўлди?

Ўзбекистон ва жаҳонда октябрь ойи янгиликларга бой бўлди. Бу ойни ўқувчилар айниқса бир қанча юлдузларнинг оила қургани, янги вирус тарқалгани ва иситиш мавсуми кечиккани билан эслаб қоладиган бўлди.

Марказий Осиёда ҳарорат тезроқ кўтарилмоқда

Иорданиянинг Ammon News газетасида «Ўзбекистон ТИВ раҳбари: Марказий Осиё давлатлари иқлим ўзгаришига қарши курашда ҳамжиҳат» сарлавҳали мақола эълон қилинди.

Нашрда Ўзбекистон ташқи ишлар вазири Бахтиёр Саидов БМТ Бош Ассамблеясининг 79-сессиясида нутқ сўзлагани маълум қилинган.

Ўзбекистон вазири айтишича, иқлим ўзгариши оқибатида сўнгги бир неча ўн йилликда Марказий Осиёда аҳоли жон бошига сув таъминоти даражаси икки баробарга камайди.

Green Card лотереяси учун аризалар қабул қилинди

2 октябрда DV-2026 дастурига аризалар қабули бошланди. Бу ҳақда АҚШ Давлат департаменти матбуот хизмати маълум қилди.

Дастур доирасида 2026 йил учун турли миллат вакилларига 55 мингтагача визалар (DV) ажратилади. Номзодлар унда иштирок этиш ҳуқуқига эга мамлакат фуқаролари бўлиши керак. Ўзбекистонликлар дастурда иштирок эта олади.

Бундан ташқари, номзодлар 12 йиллик бошланғич ва ўрта таълимни муваффақиятли тамомлаган, охирги беш йилда камида икки йиллик ўқиш ёки иш билан банд бўлган бўлиши талаб қилинади.

Турли payʼлар бизда ҳам ишлаши кутилмоқда

Ўзбекистонда Apple Pay, Google Pay ва Paypal ишлай бошлайди. Транспорт вазирлиги эса Hertz, Avis ва Sixt каби автоижара компанияларини таклиф этиши керак.

Paypal тўлов тизими Ўзбекистонда тегишли бўлинма очиб, миллий валюта — сўмда тўловлар ва амалиётларни амалга оширмоқчи бўлса, у ҳолда амалдаги қонунчиликка кўра, компания Марказий банкдан тегишли лицензия олиши ва ўрнатилган тартибда назорат ва кузатув остида бўлиши талаб қилинади.

Лирик чекиниш

Ой давомида сайтимизда бир қанча қизиқарли ва таҳлилий мақолалар эълон қилинди. Уларни балки кўрмай қолгандирсиз ёки кейинроқ ўқийман деб сақлаб қўйгандирсиз. Шу сабабли ўзимиз долзарб мақолалардан иборат тўпламни тайёрладик.

• Сизни дунё мамлакатларига олиб борадиган саёҳатлар ҳақида видео блоглар
• Шарф боғлаш усуллари: эркаклар ва аёллар учун 30 хил боғлаш усуллари
• Севгининг 5 тили: ўз ҳис-туйғуларингизни қандай тушунишни, тинглашни ва шеригингизни эшитишни ўрганиш мумкин
• Банкаларни қандай стерилизация қилиш керак: 6 та оддий ва синовдан ўтган усул
• Интерерни бузадиган 10 та хато. Дизайнер Екатерина Полюдова ҳикоя қилади

Фильмлар, сериаллар, анонс ва трейлерлар

Walt Disney Animation Studios «Моана-2» мултфилмининг янги трейлерини тақдим этди. Иккинчи қисмда ҳикоя Полинезия оролида истиқомат қилаётган вояга етган Моана ҳақида боради.

Қиз ўз уйини тарк этиб, океанни даҳшатли лаънатдан қутқариш учун Океания денгизларига хавфли саёҳат қилишга отланади.

«Ўргимчак одам» фильмининг тўртинчи қисми қачон премьера қилиниши маълум бўлди. «The Hollywood Reporter» нашрининг хабар беришича, кинокартина 2026 йил 26 июлда жаҳон прокатига чиқарилади.

Том Ҳолланд Питер Паркер ролига қайтади. Фильм Marvel ва Sony киностудиялари томонидан назорат қилинади. Суратга олиш ишлари 2025 йилнинг ёзида бошланади. Кинокартина режиссёри Дестин Даниел Креттон («Шанг-Чи ва ўн ҳалқа афсонаси») бўлади.

Бонус!

Корея Республикасининг Сеул шаҳрида Осиё футбол конфедерацияси томонидан қитъа футболининг энг яхшиларини тақдирлаш маросими ўтказилди.

Унда 2023 йилги йирик мусобақалар, хусусан, Осиё Кубоги 2023 ва футзал бўйича Осиё Кубоги каби турнирлар давомида ўз маҳоратини намойиш этган футболчи, мураббий ва расмийлар тақдирланди.

Аббос Файзуллаев AFC Awards 2023 Осиёнинг энг яхши ёш футболчиси мукофотини қўлга киритди. Ўзбекистонлик футболчидан ташқари япониялик Кагу Навата («Камигаку У-18») ҳамда Жанубий кореялик Баэ Жун Ҳо («Сток Сити») ушбу мукофотга номзодлар қаторида тилга олинганди.