Сэди Синк «Ўргимчак одам 4» фильмида роль ўйнайди
«Stranger Things» сериали юлдузи Сэди Синк Том Ҳолланд бош ролни ижро этадиган «Ўргимчак одам 4» фильмининг актёрлар таркибига қўшилди. Бу ҳақда Deadline нашри хабар берди.
Kinolarni bepul ko‘rish imkoniyati!
Таъкидланишича, актриса қайси персонажни гавдалантириши аниқ эмас, аммо муҳим роллардан бирини ижро этади. Кинокартина режиссёри «Шан-Чи ва ўнта узук афсонаси» фильми устида ишлаган Дестин Дениел Креттон бўлади. Сюжет тафсилотлари ҳозирча ошкор этилмаган.
Франшизанинг 2021 йилда «Ўргимчак одам: уйга йўл йўқ» номи билан чиққан учинчи қисми жаҳон прокатида 1,9 миллиард доллар пул тўплаган. Картинада Питер Паркер тасодифан оламлараро портални очиб юборади, бу эса Тоби Магуайр ва Эндрю Гарфилд ижросидаги аввалфи ўргимчак одамларнинг пайдо бўлишига имкон беради.
Шунингдек, улар билан бирга аввалги кинокартиналар антогонистлари Доктор Саккизоёқ ва Яшил Гоблин ҳам фильмда иштирок этган.
Седи Цинк Нетфлих томонидан ишлаб чиқарилаётган машҳур «Stranger Things» сериалида Максин ролини ижро этган. Сериалнинг сўнгги бешинчи мавсуми 2025 йилда чиқиши режалаштирилган.
Буни ҳам ўқинг
