Ўзбекистон жаҳон паспортлари рейтингида икки поғонага юқорилади
Йил давомида ўзбекистонликлар визасиз бориши мумкин бўлган мамлакатлар сони 24 тадан 29 тага кўпайди.
Канаданинг «Arton Capital» консалтинг компанияси томонидан тузилган «Pasport Index» халқаро паспорт мустаҳкамлиги рейтингида Ўзбекистон 96 давлат орасида 68-ўринни эгаллади.
Рейтингни тузишда компания паспортларни уларнинг эгалари қанча давлатга визасиз ёки соддалаштирилган тартибда виза олиш орқали нечта мамлакатга бора олишига қараб баҳолаган.
Ўзбекистон фуқаролари 29та давлатга визасиз боришлари, 46та давлатга борганда виза расмийлаштириш керак бўлади, учта давлат учун эса мамлакатга кутилаётган келиш вақти талаб қилинади. 120та давлатга ташриф буюриш учун умумий белгиланган тартибда кириш визаси талаб қилинади.
Шундай қилиб, сўнгги бир йил ичида Ўзбекистон паспорти жаҳон рейтингида икки поғонага кўтарилди, умумий кўрсаткич эса 73тадан 78тага етди. Хусусан, 2024-йилда БАА, Таиланд, Ўмон, Покистон билан визасиз режим жорий этилди, шунингдек, Хитой билан амалга оширилиши режалаштирилган.
