Ўзбекистонда халқаро даражадаги санъаткорларнинг концертлари ташкил этилади
Шавкат Мирзиёев 7 февраль куни хизматлар соҳасини ривожлантириш бўйича 2024 йилда амалга оширилган ишлар ва 2025 йил учун асосий вазифалар юзасидан видеоселектор йиғилиши ўтказди.
Kinolarni bepul ko‘rish imkoniyati!
Унда президент туристик марказларда халқаро даражадаги санъаткорларнинг концертларини ташкиллаштириш орқали туристлар оқимини оширишни топширди, дея хабар бермоқда давлат раҳбари матбуот хизмати.
Таъкидланишича, Шаҳрисабзда «Оқсарой», Хивада «Ичан қалъа», Бухорода «Лаби ҳовуз», Тошкентда «Янги Ўзбекистон» майдонлари бўлсада, уларда концерт, кўргазма, форумлар ўтказиш бўйича режа қилинмагани кўрсатиб ўтилган.
Мамлакатдаги 6 та туристик марказда халқаро даражадаги санъаткорларнинг концертлари ташкил қилинса, меҳмонхона, ресторан, кафе, савдо ва хизмат кўрсатиш объектлари сайёҳлар билан тўлиши қайд этилган.
Шу муносабат билан мутасаддиларга камида 1 миллион туристни олиб келадиган концерт, бизнес форуми ва кўргазмалар ўтказиш дастурини ишлаб чиқиш топширилган.
Шунингдек, тўлиқ ўрганилмаган тарихий объектлар жуда кўплигини инобатга олиб олимлар билан биргаликда жозибадор тарихий объектларни аниқлаш ва реставрация қилиш бўйича уч йиллик дастур ишлаб чиқиш вазифаси белгиланган.
Буни ҳам ўқинг
