20.12.2024
Oʻzbekistonliklar noyob yulduz yomgʻirini kuzatishi mumkin
Muallif
Shohzamon Shuhratov
Oʻzbekistonlik tomoshabinlar 21-dekabrdan 22-dekabrga oʻtar kechasi Ursidlar meteor oqimining goʻzal manzarasidan bahramand boʻlishi mumkin. Bu kunlarda oddiy koʻz bilan soatiga oʻntagacha meteorni kuzatish mumkin.
Yangi yilga eng yaxshi sovg‘ani topdik. BU NIMA?
Ursidlar meteor oqimini Shimoliy yarimsharning butun hududida kuzatish mumkin. Astronomlar yulduz yomgʻirini yarim kechadan soʻng, Oy yorugʻligi hali eng yuqori darajasiga yetmagan paytda kuzatishni tavsiya etadilar.
Yanada aniqroq koʻrish uchun shahar chiroqlaridan uzoqroqqa boring va durbin yoki teleskopdan foydalanmang - ular koʻrish maydonini toraytirishi mumkin.
Ursidlar Quyosh atrofini 13,6 yilda bir marta aylanib chiqadigan Tattl kometasining parchalari tufayli paydo boʻlgan.
