Pep Gvardiola yozda Italiya klubida ish boshlashi mumkin
“Manchester Siti” bosh murabbiyi, ispaniyalik mutaxassis Xosep Gvardiola 2025/26 yilgi mavsumdan boshlab “Milan” jamoasini boshqarishi mumkin. Bu haqida La Gazzetta dello Sport nashriga tayanib Championat xabar bermoqda.
O‘xshash mavzular
26.03.2025
Manbaga koʻra, Milan klubi sport direktori lavozimiga Fabio Paratichi tayinlansa, Gvardiolaning Italiyaga kelishi haqiqatga aylanishi mumkin. Sababi ular oʻrtasidagi iliq munosabatlar mavjud.
Taʼkidlanishicha, “Milan” Paratichi bilan kelasi mavsumdan hamkorlik qilish borasida ogʻzaki kelishuvga erishgan. Avvalroq Gvardiola qayd etilayotgan yomon natijalar fonida joriy mavsum yakunida “Siti”ni tark etishi mumkinligi va u boshqa jamoalardan taklif kutayotgani haqida xabarlar tarqalgan edi.
Mish-mishlarga qaramay, hozircha “Milan”ni boshqarish uchun asosiy nomzod sifatida “Marsel” jamoasining ustozi Roberto De Zerbi koʻrilmoqda. Ammo “rossonerilar“ Gvardiola bilan kelishuvga erisha olsa, Italiya klubi De Zerbi nomzodidan voz kechiga tayyor.
Shuningdek, Braziliya Futbol Konfederatsiyasi (CBF) ham Gvardiolani terma jamoa bosh murabbiyligiga jalb qilish niyatida ekani haqida xabarlar tarqalgan. “Pentakampeonlar” yaqinda ishdan boʻshatilgan Dorival Junior oʻrniga ispaniyalik mutaxassisni tayinlashni maqsad qilgan.
Maʼlumot uchun, Gvardiola 2016-yildan buyon “Manchester Siti”ni boshqarib kelmoqda. Uning ingliz klubi bilan shartnomasi 2027-yil yozigacha amal qiladi.
