19.12.2024
Toshkentning bosh archasi qachondan ish boshlashi maʼlum boʻldi
Muallif
Shohzamon Shuhratov
Toshkent markazida Yangi yil bosh archasi oʻrnatildi. Uning balandligi 33 metr, 33 mingta oʻyinchoq bilan bezatilgan.
Yangi yilga eng yaxshi sovg‘ani topdik. BU NIMA?
Toshkentda Alisher Navoiy nomidagi Oʻzbekiston Milliy kutubxonasi oldidagi maydonda bosh archaning oʻrnatilishi yakunlandi, deb xabar berdi poytaxt hokimligi matbuot xizmati.
Archaning balandligi 33 metr, yulduzi bilan birga esa 35 metr. U 33 mingta oʻyinchoq va umumiy uzunligi 14 ming metr boʻlgan 3500 ta archa chiroqlari bilan bezatilgan.
Maydonda yana toʻrtta kichik archa, 300 dan ortiq dekorativ elementlar va chiqishlar uchun katta sahna oʻrnatilgan. Archa 25-dekabrdan 10-yanvargacha ochiq boʻladi.
