Sitora Farmonova kimga turmushga chiqayotgani haqida maʼlumot berdi
Mashhur aktrisa Sitora Farmonovaning unashtiruv marosimi boʻlib oʻtgandi. U turmush oʻrtogʻi haqida bir qancha maʼlumotlarni ochiqladi.
100nafar do‘stingizni taklif qiling va iPhone 16 Pro yutib oling
Toshkent shahrida 3-noyabr kuni “Zakovat”ning navbatdagi turniri boʻlib oʻtdi. Unda Sitora Farmonova boshlovchilik qildi.
Tadbirda qatnashgan jurnalist Sardor Komilov aktrisani toʻyi haqidagi savollar bilan soʻroqqa tutgan va bir qancha qiziqarli javoblarni olgan.
Sanʼatkorning aytishicha, boʻlajak umr yoʻldoshi oʻzi bilan baravar, yaʼni 1984-yilda tugʻilgan. Dubayda tadbirkorlik bilan shugʻullanadi. Millati oʻzbek.
“Oilaviy doʻst boʻlganmiz. Sovchilik orqali munosabat qurdik. Ozgʻin emas, semiz emas, kal ham emas”, — deb taʼkidlagan aktrisa.
Maʼlum qilinishicha, aktrisaning boʻlajak turmush oʻrtogʻining ismi Muhammad. U barcha yaqinlarini toʻyga taklif qilganini aytgan, ammo nikoh oqshomining sanasini hozirgacha oshkor qilmagan.
Mavzuga doir: Sitora Farmonova: tarjimai holi, yoshi, shaxsiy hayoti va xonanda haqida qiziqarli faktlar
