Marketingni noldan boshlash: o‘z-o‘zini band qiladiganlar O‘zbekistonda o‘z mahsulot va xizmatlarini qanday targ‘ib qilishi mumkin? TOP-5 usul

1. Instagram va Telegram — sizning 24/7 vitrinalaringiz

O‘zbekistonda Instagram va Telegram — bu shunchaki ijtimoiy tarmoq emas, balki haqiqiy savdo maydonchalaridir. Odamlar u yerdan ustalarni, mahsulot va xizmatlarni izlaydi va aynan u yerda topishadi.

Nima qilish kerak:

• Profilingizni chiroyli ko‘rinishda tayyorlang: avatar, tavsif, aloqa uchun ma’lumotlar.
• Ish jarayonini ko‘rsating: qanday ishlaysiz, qadoqlaysiz, yetkazib berasiz.
• Storislar orqali savollar va so‘rovnomalar o‘tkazing — odamlar “jonli” sahifalarni yaxshi ko‘radi.
• Qisqa videolar olishdan qo‘rqmang — Reels va Telegram Stories katta ko‘lamda tomosha qilinadi.

Bonus: “Obuna bo‘l, layk bos, do‘stga yubor” shartlari bilan tanlovlar o‘tkazing. Bu qamrovni oshiradi, yangi obunachilar va potentsial mijozlarni jalb qiladi.

2. Marketpleyslar va mahalliy platformalar

O‘zbekistonda ichki onlayn bozorlar jadal rivojlanmoqda. ZoodMall, Oson, Avtosalon va OLX kabi platformalar orqali siz do‘kon ochmasdan turib ham savdo qilishingiz mumkin.

Nima qilish kerak:

• Kerakli platformada sotuvchi sifatida ro‘yxatdan o‘ting.
• Mahsulotingizni chiroyli suratlar va tushunarli tavsif bilan taqdim eting.
• Haqiqiy narxlarni belgilang va xabarlarga tezda javob bering.

Muhim: Mijozlardan izohlar (feedback) oling. Hatto 3-4 ta ijobiy fikr ham ishonchni oshiradi.

3. “Og‘zaki reklama” 2.0 — izohlar va “muvaffaqiyat hikoyalari” orqali

O‘zbekistonda ishonch — hamma narsa. Agar qo‘shni yoki tanish bir ustani maqtasa — yarim ish bitgan deyavering. “Og‘zaki marketing” kuchini raqamli shaklda ishlating.

Qanday qilib:

• Mamnun mijozlardan videofikrlar yoki mahsulotingiz bilan fotosuratlar ulashishni so‘rang.
• “Oldin/Keyin” formatida postlar tayyorlang.
• Haqiqiy holatlar bilan bo‘lishing: masalan, “3 kunda qanday qilib yo‘q narsadan kelinlik ko‘ylagini tikdim?”

Foydali tavsiya: Video yoki ovozli fikrlar matndan ko‘ra kuchliroq ta’sir ko‘rsatadi.

4. Blogerlar va mikroinfluencerlar bilan hamkorlik

Millionlab obunachilari bo‘lgan yulduzlar shart emas. O‘zbekistonda 2-10 ming obunachisi bo‘lgan, lekin faol auditoriyaga ega mikroblogerlar bor — ularning auditoriyasi yirik influenserlarga qaraganda sodiqroq bo‘ladi.

Nima qilish kerak:

• Biznesingizga mos bo‘lgan, sizning qadriyatlaringizga yaqin 3-5 blogerni toping (masalan, agar bolalar mahsuloti bo‘lsa, ona-blogerlar).
• Barter taklif qiling: mahsulot yoki xizmat evaziga storis yoki post.
• Rasmiy reklama matni emas, balki samimiy fikr so‘rang.

Muhim: Bloger sizni belgilab o‘tsin va storisni “aktual”ga saqlasin — bu reklama ta’sirini uzoqroq saqlaydi.

5. Google Xaritalar va Yandex Xaritalar — bepul mijozlar manbai

Agar siz oflayn ishlasangiz (masalan, ustaxona, go‘zallik saloni, uyda dars beruvchi), xaritalarda belgilanish — shart. Odamlar “yaqin atrofdagi manikyurchi”, “Chilonzordagi telefon ta’miri” kabi so‘rovlar orqali izlaydi.

Qanday foydalanish kerak:

• Google My Business va Yandex.Spravochnik’da ro‘yxatdan o‘ting.
• Manzil, ish vaqti, aloqa raqamlari va suratlarni kiriting.
• Mamnun mijozlardan reyting qo‘yishni va izoh yozishni so‘rang.

Qo‘shimcha afzallik: Hatto saytingiz bo‘lmasa ham siz qidiruvda chiqasiz!

O‘z-o‘zini band qiladiganlar O‘zbekistonda hech qanday murakkab texnika yoki katta byudjetsiz ham o‘zini targ‘ib qilishi mumkin. Asosiysi — ijtimoiy tarmoqlar, fikr-mulohazalar, xaritalar va mahalliy platformalardan to‘g‘ri foydalanish.

Eng asosiysi — boshlash. Ko‘zga tashlanadigan bo‘lishdan qo‘rqmang. Har bir post, izoh va xabar sizni barqaror mijoz oqimiga, yaxshi daromadga va katta imkoniyatlarga yaqinlashtiradi. Ish boshlanishida esa O‘zbekistondagi o‘z-o‘zini band qiladiganlar uchun kreditlar sizga yordam bo‘lishi mumkin.

O‘zbekistonda o‘z-o‘zini band qiladiganlar uchun kreditlar

Bugungi kunda O‘zbekistonda kredit olish uchun uydan chiqishingiz ham shart emas. TBC Bank o‘z-o‘zini band qiladiganlar uchun maxsus taklif taqdim etadi.

Jarayon juda oddiy: ilovaga kirasiz, ro‘yxatdan o‘tasiz, arizato‘ldirasiz va bir minutda javob olasiz. Endi bankga borib, hujjat yig‘ish va haftalab kutishning hojati yo‘q!

Sizdan talab qilinadigan narsa — o‘z-o‘zini band qiladigan shaxs maqomiga ega bo‘lish, arizani to‘ldirish va faoliyatingizga mos maqsadni tanlash. Agar hammasi tayyor bo‘lsa, eng yoqimli bosqichga o‘tamiz. Tasdiqlangach, pul TBC Bank kartasiga yoki hisob raqamiga tushadi. Bunday qo‘llab-quvvatlash bilan biznesingiz albatta rivojlanadi!

* So‘nggi 300 000 foydalanuvchining kredit bo‘yicha qaror qabul qilishining o‘rtacha vaqti. Aniq qaror qabul qilish vaqti mijozning kredit tarixiga qarab bir minutdan kamroq yoki ko‘proq bo‘lishi mumkin. Foiz stavkasi: 28 dan 49% gacha, muddati 3 oydan 36 oygacha, miqdori 300 mingdan 100 million so‘mgacha. Batafsil shartlar: tbcbank.uz.