08.11.2024
Toshkent metropolitenining yana 9 ta bekatida jamoat hojatxonasi quriladi
Muallif
Shohzamon Shuhratov
Toshkent metrosining gavjum boʻlgan 9 ta bekatida ona va bola xonasi hamda hojatxona quriladi. Metrodagi birinchi jamoat hojatxonasi 2022-yilda ochilgandi.
Toshkent metropolitenining gavjum boʻlgan yana 9 ta metro bekatida ona va bola xonasi hamda hojatxona quriladi. Bu haqda metropoliten axborot xizmati xabar qildi.
Metropoliten hojatxonalar aynan qaysi bekatlarda va qachon qurilishiga aniqlik kiritmagan.
2022-fevral oyida poytaxt metropolitenining “Chilonzor” bekatida sinov tariqasida ona va bola xonasi hamda hojatxona ishga tushirilgan edi.
Bir necha kun avval bekatlarning birida bir shaxs hojatini chiqargani aks etgan video tarqalgan edi. Shundan soʻng tarmoqlarda metroda hojatxonalarni koʻpaytirish borasida munozaralar koʻpaydi.
