05.11.2024
Toshkentda Kichik halqa avtomobil yo‘lining bir qismi vaqtincha yopiladi
Muallif
Shohzamon Shuhratov
Yashnobod tumanida yoʻl qurilish ishlari sababli KHAYning Maxtumquli koʻchasi bilan kesishmasidagi yondosh qismi 5-dekabrgacha yopiladi.
Toshkent shahrining Yashnobod tumanida Kichik halqa avtomobil yoʻli (KHAY) qismlaridan biri barcha harakat ishtirokchilari uchun 5-noyabrdan 5-dekabrgacha yopiladi.
Shahar hokimligi matbuot xizmatining xabariga koʻra, ushbu cheklov tumanda davom etayotgan yoʻl qurilish va taʼmirlash ishlari bilan bogʻliq.
Yoʻlning Maxtumquli koʻchasi bilan kesishgan qismi vaqtincha foydalanishdan chiqariladi. Hokimlik shu vaqtinchalik noqulaylik uchun uzr bildirib, haydovchilarga muqobil yoʻllardan foydalanishni tavsiya qildi.
