22.10.2024
Uzbekistan Airways Toshkent-Xanchjou yoʻnalishida qatnovlarni yoʻlga qoʻyadi
Muallif
Shohzamon Shuhratov
Shaharlar oʻrtasidagi reyslar 17-noyabrdan boshlanib, muntazam parvozlar har yakshanba kuni amalga oshiriladi.
Uzbeksitan Airways Toshkent-Xanchjou-Toshkent yoʻnalishi boʻyicha toʻgʻridan-toʻgʻri reyslarni yoʻlga qoʻymoqda, deya xabar berdi aviakompaniya matbuot xizmati.
Maʼlum qilinishicha, parvozlar 17-noyabrdan boshlab har hafta yakshanba kunlari amalga oshiriladi.
Parvoz jadvali (har bir shahar uchun mahalliy vaqt):
- Toshkentdan joʻnab ketish soat — 12:40; Xanchjouga yetib borish soat — 22:00;
- Xanchjoudan joʻnab ketish soat — 23:30; Toshkentga yetib borish keyingi kun soat — 04:10.
Bir tomonlama aviachipta narxi 4 mln 46 ming soʻmdan, Toshkent-Xanchjou-Toshkent yoʻnalishi boʻyicha esa 7 mln 3 ming soʻmdan boshlanadi.
Aviachiptalarni www.uzairways.com saytidan, mobil ilovadan, Uzbekistan Airways Sales filialidan va aviakompaniya agentlaridan xarid qilish mumkin.
