Yangi Toshkent — egizak minorali eko-shahar qanday bo‘ladi

Yangi Toshkent — nimalar ma’lum?

Loyihaga ko‘ra, yangi Toshkent 2045-yilga qadar quriladi, u 20 ming gektar maydonni egallaydi. Birinchi lotlar juda tez orada sotuvga chiqariladi, bu aprel oyi oxirida “SAEx Ko‘chmas mulk” ko‘rgazmasida ma’lum bo‘lgandi.

Yangi Toshkent qanday bo‘ladi?

• Million aholi va aqlli zonalashtirish

Quruvchilarning rejasiga ko‘ra, 2050-yilga borib Toshkentda 5 milliondan ortiq aholi yashaydi, ulardan 1 millioni ‘‘Yangi Toshkent” hududida istiqomat qiladi.

Yangi Toshkentni quyidagi zonalarga bo‘lish rejalashtirilmoqda: ma’muriy va biznes-markaz, sog‘lomlashtirish, innovatsion, rekreatsion, aeroport va boshqalar.

• Infratuzilma

‘‘Yangi Toshkent”da ‘‘aqlli infratuzilma” yaratiladi: u yerga tramvay va metroda borish mumkin bo‘ladi. Toshkentga ulanish uchun ikkita yer osti metro liniyasi qurilishi va boshqa usullar rejalashtirilgan.

• Arxitektura

Yangi Toshkent chorrahalarida O‘zbekistonning har bir hududi nomi aks ettiriladi. Bu “eski shaharlarning madaniy merosini yangisida saqlab qolish” uchun amalga oshiriladi.

• ‘‘Makka” davlat xizmatlari

Toshkentdagi davlat muassasalarining aksariyati Toshkentdan ‘‘Yangi Toshkent”ga ko‘chiriladi. Shu tariqa hokimiyat poytaxt tumanining o‘sish va rivojlanish jarayonini tezlashtirmoqchi.

• Diqqatga sazovor joylari

Yangi Toshkentda qirg‘oq, Charshi oroli, egizak minoralar (Toshkent va Yangi Toshkent hamkorligi ramzi), jamoat markazi va ‘‘Ipak yo‘li” nomli piyodalar zonasi quriladi.

• Yer osti avtoturargohlari

Yangi Toshkentning yer osti avtoturargohlari 100 ming avtomobilni sig‘dira oladi. Gap birgina avtoturargoh haqida ketmayapti.

• Istirohat bog‘lari va veloyo‘laklar

Ekologik karkaslar, velosiped va piyodalar infratuzilmasini shakllantirish uchun quruvchilar jamoat parklari, velosiped va piyodalar zonalari, shuningdek, qirg‘oqbo‘yi hududlarini birlashtirmoqchi.

• Yangi Toshkentdagi kvartallar o‘lchami

Loyiha arxitektori Saidazim Sharipovning so‘zlariga ko‘ra, bloklar o‘lchami 500 metrga yetadi. Demak, mahalla ichida bo‘lgan piyoda istalgan jamoat joyiga (transport, ko‘ngilochar, do‘kon, xizmat) 5 daqiqada yetib borishi mumkin.

• Tabiiy suv va "quyosh" elektr energiyasi

Quruvchilar Qodiriy suv tozalash inshootiga ulanishni, keyinroq esa Ugom daryosidan ichimlik suvini o‘tkazishni rejalashtirmoqda. Elektr ta’minotiga kelsak, buning uchun qayta tiklanadigan energiya manbalari, shuningdek, quyosh elektr stansiyalari javob beradi. Ammo hozircha bu kelajakka qoldirilgan rejadir.