01.11.2024
(yangilandi 01.11.2024)
“Kalmar oʻyini” seriali 2-mavsumining treyleri eʼlon qilindi
Muallif
Shohzamon Shuhratov
Netflix striming platformasi katta mashhurlikka erishgan koreys seriali “Kalmar oʻyini"ning treylerini eʼlon qildi. Ikkinchi mavsum 26-dekabr kuni premyera qilinadi.
Serialda omon qolish uchun yangi turnir va Son Gi Xunning (456-oʻyinchi) oʻyinga chek qoʻyishga urinishlari haqida hikoya qilinadi. “Kalmar oʻyini” serialining birinchi mavsumi 2021-yilda premyera qilingan va Netflix tarixidagi eng koʻp koʻrilgan shou boʻlgandi.
“Kalmar oʻyini” 2025-yilda uchinchi mavsum chiqarilgandan soʻng yakunlanadi. Avvalroq rejissyor Devid Fincher serialning amerikancha remeyki ustida ishlashi haqida xabar berilgan edi.
