Manikyur 2025: Pinterest, Instagram va salonlarni zabt etgan trendlar

Manikyur: trendlari

Qizil manikyur – vaqt sinovidan o‘tgan trend

Qizil manikyur har doim trendda bo‘lgan. Yorqin alvon qizildan to to‘q qizil va pomidor rangigacha – palitra juda keng. Qizil rang uzun hamda kalta tirnoqlarda ajoyib ko‘rinadi, parvarishlanganlik va xarakterni ta’kidlaydi. Ayniqsa, yaltiroq lakda yoki oltin aksentlar va fransuzcha dizayn bilan birgalikda juda chiroyli chiqadi.

Kalta tirnoqlarda manikyur

Tabiiy uzunlik – urfda. Kalta tirnoqlar uchun manikyur birinchi raqamli tanlovga aylangan. U qulay, amaliy va dizayn uchun keng imkoniyatlar beradi. Geometriya, minimalizm, nozik chiziqlar va tabiiy ranglar aynan kalta tirnoqlarda ayniqsa yaxshi ko‘rinadi.

Tirnoqlarda bej rangi

“Nude” (teri rangiga yaqin) uslubi hali ham eng ko‘p tanlanadiganlardan bo‘lib qolmoqda. Bej rang – hech qachon zeriktirmaydigan nafislik. U hamma uchun va har qanday holatga mos keladi. 2023-yilda ayniqsa iliq ranglar – karamel, qahva va pushti-bej ranglar urfda. Bej ko‘pincha shaffof tirnoqlar ustida yoki gul elementlar uchun asos sifatida ishlatiladi.

Kalta tirnoqlarda oq manikyur

Poklik, yengillik va universallik – kalta tirnoqlarda oq manikyur aynan shunday taassurot qoldiradi. To‘q oq matdan tortib, shaffof sut rangigacha bo‘lgan variantlar har qanday uslubga mos tushadi. Ayniqsa, minimalist fransuzcha dizayn, grafik chiziqlar yoki marvarid kabi mayda detallarda juda chiroyli ko‘rinadi.

Tirnoqlarda feruza va moviy ranglar

Tirnoqlarda feruza va moviy ranglar – bu yoz va yangilanish ramzi hisoblanadi. Ular oq va kumush ranglar bilan juda yaxshi mos tushadi. Moviy esa obrazga mayinlik va yengillik qo‘shadi. Bu ranglar ayniqsa ombre, marmar yoki mat dizaynlar shaklida ko‘pincha bahor-yoz mavsumida mos keladi.

Tirnoqlarda ikki xil rang

Tirnoqlarda ikki rang – noodatiy yondashuvni yaxshi ko‘radiganlar uchun haqiqiy trendga aylandi. Bu qarama-qarshi ranglar bilan ikki qo‘lda turlicha dizayn, gradient, diagonal chiziqlar yoki rangli “oycha” dizayn bo‘lishi mumkin. Pastel va yorqin ranglar dueti, shuningdek, tungi obraz uchun to‘q va och ranglar uyg‘unligi hozirda mashhur bo‘lmoqda.

Shaffof tirnoqlarda dizayni

Shaffof asos – hozirda juda urfga aylanmoqda. Shaffof tirnoqlarda dizayn – odatda, havodor, yengil manikyur bo‘lib, minimalistik bezaklar: oltin chiziqlar, nozik novdalar, stikyerlar yoki nuqtalar ishlatiladi. U har qanday uzunlikdagi tirnoqda yaxshi ko‘rinadi va tasavvurga keng imkoniyat beradi.

Tirnoqlarda gul dizayni

Tirnoqlarda gul dizayni yanada nafis tus oldi. Yorqin gul stikerlari o‘rniga – nozik qo‘lda chizilgan rasm, akvarel texnikasi, quritilgan gullar va gel barglar. Ayniqsa, minimalist floristik uslub mashhur: bitta yaproq yoki nozik bir novda manikyurga yengillik va romantika qo‘shadi.

Tirnoqlarda bordo rang

Chuqqur va boy bordo rangi – sovuq mavsum uchun “must-have”. 2025-yilda vino, olxo‘ri va marsala ranglar urfda. Ayniqsa bordo rangi mat bilan, “mushuk ko‘zi” effektida yoki oltin detal bilan uyg‘un ko‘rinadi.

Tirnoqlarda zumrad rang

Zumrad (emerald) tirnoq rangi – 2023-yilning yangi trendi bo‘lib, tezlik bilan mashhurlikka erishib bormoqda. Bu boy, chuqur yashil rang hashamat va ishonch timsoli. Ayniqsa, yaltiroq, metallik yoki oltin aksentlarda juda chiroyli ko‘rinadi. Zumrad rangi “nude”, oq va hatto qora bilan ham yaxshi uyg‘unlashadi, ham bayramona, ham kundalik obraz uchun mos keladi.

2023-yil manikyur trendlari – bu o‘zingizni erkin ifoda etish imkonidir. Pinterest’dagi tirnoq dizaynlaridan tortib, moda rang tanlovlarigacha – har bir inson o‘z uslubini topishi mumkin. Yilning sevimli ranglari orasida bej, oq, feruza, moviy, zumrad, havorang va bordo mavjud, shuningdek, ikki rangli manikyur va gul dizayni kabi original yechimlar ham keltirilgan. Klassikani qadrlovchilar uchun esa – doimiy trend: qizil manikyur va ozoda kalta tirnoqlar.