Maykl B. Jordan yangi “Mayami politsiyasi” filmida rol uchun nomzod bo‘lmoqda
“Gunohkorlar” va “Krid” filmlari yulduzi Maykl B. Jordan Universal studiyasining "Mayami politsiyasi" filmini qayta ishlash loyihasidagi bosh rol uchun muzokaralar olib bormoqda. Bu haqda The Hollywood Reporter xabar berdi.
O‘xshash mavzular
23.10.2025
Jordan va Glen Pauellning (“Smerch 2”) loyihada ishtirok etishi mumkinligi haqida dastlab sentyabr oyida ma’lum bo‘lgan edi. Filmni Jozef Kosinski (“Formula-1”, “Top Gan: Meverik”) suratga oladi. Kartina 2027-yil 6-avgustda jahon ekranlariga chiqadi.
Asl “Mayami politsiyasi: Axloq bo‘limi” seriali Amerika televideniyesida 1984-yildan 1989-yilgacha namoyish etilgan. Syujet Mayamidagi mashhur giyohvand moddalar savdogarlarini fosh qilishi kerak bo‘lgan ikkita maxfiy detektiv haqida hikoya qiladi.
2006-yilda Maykl Mann tomonidan suratga olingan, Kolin Farrell va Jeymi Foks ishtirok etgan to‘liq metrajli “Politsiya” filmi ekranlarga chiqdi. Film 135 million dollarlik byudjetni qoplay olmadi va tanqidchilar tomonidan salbiy baholandi.
Jordan hozirda “Tomas Kraunning firibgarligi” filmini qayta ishlash ustida ishlamoqda, unda u ham rejissyor, ham bosh rol ijrochisi sifatida faoliyat yuritmoqda. Kartina 2027-yil bahorida tomoshabinlar e’tiboriga havola etiladi.
