“Menga kim bilan o‘ynashning farqi yo‘q” — Eldor Shomurodov
“Roma” hujumchisi Eldor Shomurodov “Fiorentina”ga qarshi uchrashuvdan keyin o‘z fikrlarini bildirib o‘tdi.
Kinolarni bepul ko‘rish imkoniyati!
O‘zbekistonlik forvard jamoaning tajovuzkor o‘yin uslubini hamda Dovbik bilan o‘tasidagi munosabatlar haqida gapirdi:
Biz har doim agressiv o‘ynaymiz, bu jihat menga yoqadi. Kim maydonga tushishi muhim emas — eng asosiysi, jamoaning g‘alabasi. Men Dovbik bilan ko‘p gaplashaman. Menimcha, biz juftlikda yaxshi o‘yin ko‘rsatmoqdamiz. Umuman olganda, men kim bilan birga o‘ynashimdan qat’i nazar, doim g‘alaba uchun harakat qilaman. Ranyeri? U juda buyuk inson. Uning mendan nimani kutayotganini yaxshi tushunaman va har doim ko‘rsatmalariga amal qilishga harakat qilaman, deya fikr bildirdi Shomurodov.
Ma’lumot uchun, “Roma” 4-may, yakshanba kuni o‘z maydonida “Fiorentina”ga qarshi bahs olib borib, 1:0 hisobida g‘alaba qozondi. Uchrashuvdagi yagona golni Artyom Dovbik kiritgan bo‘lsa, Shomurodov unga assist berdi. Qo‘lga kiritilgan g‘alabadan keyin “Roma” 63 ochko bilan A Seriya turnir jadvalida 5-pog‘onaga joylashdi. Shu tariqa “Roma” Italiya chempionatida ketma-ket 18-uchrashuvida mag‘lub bo‘lmay, o‘ziga xos seriya qayd etmoqda.
O‘xshash mavzular
