“Oltin Globus 2025”: g‘oliblari va hoziroq tomosha qilishga arziydigan filmlar

“Oltin Globus 2025” g‘oliblari

“Brutalist”

Eng yaxshi film (drama)

Eng yaxshi rejissura

Eng yaxshi aktyor – Edrian Broudi

Edrian Broudi ishtirokidagi bu film “Oltin Globus” hay’atini shu darajada hayratga soldiki, u bir yo‘la uchta mukofotni qo‘lga kiritdi. Syujet AQShning 40-yillarida sodir bo‘ladi va Vengriyadan kelib, yangi qit’aga ko‘chib o‘tgan arxitektor Laslo Tot va uning rafiqasi haqida hikoya qiladi. Ular hayotlari butunlay o‘zgarishini bilmaydilar.

“Emiliya Peres”

Eng yaxshi film (komediya/myuzikl)

Eng yaxshi xorijiy tildagi film

Eng yaxshi ikkinchi darajali aktrisa – Zoi Saldana

Eng yaxshi qo‘shiq – El Mal

Selena Gomes va Zoi Saldana ishtirokidagi bu film kechaning asosiy triumfatori bo‘lib, 4 ta “Oltin Globus” mukofotini qo‘lga kiritdi. Bu film meksikalik kartel boshlig‘iga yordam berayotgan advokat Rita haqida hikoya qiladi. Kartel boshlig‘i jinoyat olamidan chiqmoqchi, lekin bu u o‘ylaganchalik oson bo‘lmaydi.

“Men hali shu yerdaman”

Eng yaxshi aktrisa (drama) – Fernanda Torres

Bu drama harbiy diktatura qanday qilib oilalarni buzishini ko‘rsatadi. Bosh qahramon eri uyiga qaytishi uchun haqiqatni izlashga majbur bo‘ladi.

“Boshqa odam”

Eng yaxshi aktyor (komediya/myuzikl) – Sebastyan Sten

Bu film o‘z orzuidagi rolini olishni istagan aktyor haqida hikoya qiladi. U plastik operatsiya qiladi va orzusi amalga oshgach, barchasi kutilmagan dahshatga aylanadi.

"Substansiya"

Eng yaxshi aktrisa (komediya/myuzikl) – Demi Mur

2024-yilning eng ko‘p muhokama qilingan filmlaridan biri, u go‘zallikka va abadiy yoshlikni quvishga bag‘ishlangan. “Siz hech o‘zingizning eng zo‘r versiyangiz bo‘lishni orzu qilganmisiz?” Savolga javobni bu filmda topishingiz mumkin. Demi Murning yorqin ijrosidan bahramand bo‘ling.

“Haqiqiy og‘riq”

Eng yaxshi ikkinchi darajali aktyor – Kiran Kalkin

Film ikkita amakivachchaning Polsha bo‘ylab sayohati haqida. Ular bu safarga o‘z buvilarini eslash uchun otlanadilar. Oddiy bo‘lib tuyulsa-da, film syujeti juda qiziq. Kiran Kalkin, aynan o‘sha “Uyda yolg‘iz” filmidagi Makoley Kalkinning ukasi, bosh rolda.

“Konklav”

Eng yaxshi ssenariy

Bu triller katolik cherkovi va uning ichki hayoti haqida hikoya qiladi. Papa vafot etgach, yangi saylovlar tayyorlanmoqda. Kardinal Lourens nomzodlarning barcha sirlarini ochib, tanlov qilishga majbur bo‘ladi.

“Oqim”

Eng yaxshi animatsion film

Film ekologiya va atrof-muhit muammolariga bag‘ishlangan. Syujetga ko‘ra, global suv toshqini yuz beradi va barcha hayvonlar boshpana izlashga majbur bo‘ladi. Asosiy qahramon – qora mushuk bo‘lib, u boshqa hayvonlar bilan birga bir qayiqqa tushadi.

“Jodugar: G‘arb Jodugari haqidagi ertak”

Eng yaxshi kassaviy yutuq

2024-yilning asosiy myuzikli bo‘lib, suratga olish uchun $150 million sarflangan va $700 milliondan ko‘proq daromad keltirgan. “Oz mamlakatining sehrgari” filmiga prikvel bo‘lgan bu film Elfab va Glinda jodugarlari va nega ulardan biri yovuz bo‘lib qolgani haqida hikoya qiladi. Bosh rollarda Ariana Grande va Sintiya Erivo.

Seriallar ham mukofotlardan chetda qolmadi.

Eng ko‘p “Oltin Globus” mukofotini “Syogun” tarixiy seriali oldi. Bu britaniyalik dengizchi yapon asirligiga tushib qolib, kutilmagan tarzda samurayning o‘ng qo‘liga aylangan voqealarni hikoya qiladi. Komediyaviy “Hiylalar” filmi esa stendap-komik ayollar haqida.

“Syogun”

Eng yaxshi serial (drama)

Eng yaxshi aktrisa (drama) – Anna Savaii

Eng yaxshi aktyor (drama) – Xirouyuki Sanada

“Hiylalar”

Eng yaxshi seriali (komediya/myuzikl)

Eng yaxshi aktrisa (komediya/myuzikl) – Jin Smart

Televizion serialdagi eng yaxshi ikkinchi darajali aktyor – Tadanobu Asano

“Ayiq”

Eng yaxshi aktyor (komediya/myuzikl) – Jeremi Allen Uayt

“Kiyik bolasi”

Eng yaxshi mini-serial

Televizion serialdagi eng yaxshi ikkinchi darajali aktrisa – Jessika Ganning

“Pingvin”

Mini-serialdagi eng yaxshi aktyor – Kolin Farrel

“Haqiqiy detektiv: Tungi mamlakat”

Mini-serialdagi eng yaxshi aktrisa – Jodi Foster

Agar qaysi seriallarni ko‘rishni bilmasangiz, 2024-yilning eng yaxshi 10 ta seriallarni ko‘rib chiqing!