17 яшар қиз лотереядан катта пул ютиб олиб, маблағни жарроҳлик амалиётига сарфлаганди. У ҳозир қандай кўринишда?
Ўн йил олдин Джейн Парк исмли қиз лотереяда миллион фунт стерлинг ютиб олганди. Пулнинг катта қисмини қиз ташқи кўринишини ўзгартиришга сарфлади ва у аввалги қиёфасига бутунлай ўхшамай қолди.
Джейн Парк атиги 17 ёшида машҳур «Евромиллионлар» халқаро лотереясининг ғолиби бўлди. Мактаб ўқувчиси 1 миллион фунт стерлинг соврин қўлга киритди ва тез орада сумкалар, тақинчоқлар, кийим-кечак, янги уй ва автомобилларга катта маблағ сарфлади.
Оммавий ахборот воситаларида Джейннинг ютуқ пулининг катта қисми севгилиси учун қимматбаҳо соатларга сарфлангани хабар қилинган эди. Бироқ қиз ўзига ҳам кам харажат қилмади: кўплаб эстетик муолажалар ва пластик жарроҳлик амалиётларини ўтказди.
Ўтган 10 йил ичида Джейн бутунлай ўзгарди ва бундан жуда мамнун. Қиз кўкракни катталаштириш, липосакция, думбаларни катталаштириш операцияларини қилдирди, тишларига винир қўйдирди, шунингдек, лаб ва ёноқлардаги филлерларни янгилаш ҳамда ботокс қилдириш учун мунтазам равишда косметологлар хизматидан фойдаланади.
Умуман олганда, лотерея ғолиби ташқи кўринишини яхшилашга 50 минг фунт стерлинг (800 миллион сўмдан кўпро1) сарфлади. Баъзида шотландиялик қизнинг операциялари унчалик муваффақиятли ўтмаган: масалан, 2017 йилда у думба тортилишидан кейин сепсис туфайли ҳаёти хавф остида қолган.
