28.11.2024
Uzbekistan Airways бир қатор халқаро ва ички рейсларга чегирма эълон қилади
Муаллиф
Шоҳзамон Шуҳратов
Uzbekistan Airways авиакомпанияси «Ёрқин пайшанба» акцияси доирасида Ўзбекистон шаҳарларидан қатор халқаро ва ички рейсларга 20 фоизгача чегирма тақдим этади. Бу ҳақда компания матбуот хизмати хабар берди.
Yangi yilga eng yaxshi sovg‘ani topdik. BU NIMA?
Бир кун давом этадиган акцияда 28 ноябрь куни қуйидаги авиарейсларга чегирма амал қилади:
- Тошкентдан Анқара, Бишкек, Милан, Мюнхен, Нукус, Париж, Урганч ва ортга;
- Бухоро ва Урганчдан Истанбулга ва ортга.
Акция фақат бир кун — 28 ноябрь куни соат 00:00 дан 23:59 гача амал қилади. Чипталарни компания расмий веб-сайти орқали харид қилиш мумкин.
Йўловчи ва юк ташиш тарифларига қўшимча равишда турли солиқлар, йиғимлар ва тўловлар ҳам ўрнатилади. 20 фоизгача чегирма йиғимлар, солиқлар ва бошқа қўшимча тўловлар учун амал қилмайди.
