Аввал ва ҳозир: «Жуманжи» фильми актёрлари қарийб 30 йилда қанчалик ўзгарди?

Муаллиф

Режиссёр Жо Жоҳнсон томонидан яратилган дарк фентези саргузашт жанридаги фильм 1981 йили болалар учун яратган расмли китобга асосланган.

Yangi yilga eng yaxshi sovg‘ani topdik. BU NIMA?

Ушбу фильм Жуманжи сериали фильмларининг дастлабкиси бўлиб, унда актёрлардан Робин Уильямс, Кирстен Данст, Девид Алан Грайр, Бонни Хант, Джонатан Хайд ва Биби Нойвирт кабилар роль ижро этишган.

Жуманжи 1995 йилнинг 15 декабрида Sony Pictures Releasing томонидан тақдим этилган. Танқидчилар фильмни турлича баҳолашган бўлишсада, у касса даромади жиҳатдан муваффақият қозонган.

Энг яхши актёр учун Академия мукофотига уч марта номзоди қўйилган Робин Уильямс (Алан Парриш) «Гудвил Ҳантинг» фильмидаги иккинчи пландаги роли учун шу мукофотни олди. Шунингдек у икки Эмми мукофоти, тўрт Golden Globe мукофоти, икки Screen Actors Guild Award ва беш Grammy мукофотини олган. Актёр 2014 йилда оламдан кўз юмган.

Кирстен Данст (Жуди Шеферд) кенг халқаро шуҳратга «Ўргимчак одам» трилогиясидаги Мери Жейн Уотсон ролидан сўнг эришди. Шундан кейин у «Уимблдон» романтик комедиясида, «Беғубор онгнинг абадий чарақлаши» романтик илмий-тахайюлотида ва Кемерон Кроунинг «Элизабеттоун» трагикомедиясида роль ижро этди.

Бонни Хант (Сара Уитл) 2007 йилда ўзининг телешоусига асос солди. Кўрсатувнинг пилот сони муваффақият қозонгач, тинимсиз эфирга бера бошланган. У шоу давомида мухлислар билан бевосита суҳбатга киришар, меҳмонни эса умуман кутилмаган ракурслардан очиб берарди. Ушбу кўрсатув бир неча бор Эмми мукофотига номзод бўлган. Шоу 2010 йилда тўлиқ тугатилган.

Бредли Пирс (Питер Шеферд) айни пайтда актёр Жои Зиммерман билан бирга бошлаган «ZFO Entertainment» продюсерлик компанияси билан қисқа метражли фильмлар ва «Geek» янги медиа контентини ишлаб чиқармоқда. Пирс шериги Белла Луна билан биргаликда элита партиялари учун барменлик хизматлари ва маслаҳатлар беришни ҳам бошлаган.

2014 йилдан 2017 йилгача Джонатан Хайд (Ван Пелт) FX телеканалининг «Касаллик» сериалида Элдриж Палмер ролини ижро этди. 2019 йилда у Лондоннинг Парк театрида «Оқим бўйлаб секин» спектаклида Бо ролини ўйнади ва ўзи Оливе мукофотининг «Ҳамкорлик театридаги энг яхши ютуқ» номинациясига тавсия этилди.

Ушбу мақола ёрдамида сизга хотиралар оламига шўнғишга ёрдамлаша олган бўлсак, ўз вазифамизни тўлиқ бажарган бўламиз. Тўпламни сериални севиб томоша қилган яқинларингизга ҳам улашиб, уларни ҳайратда қолдиришни унутманг. Кейинги мақолаларда кўришгунча, ўзингизни эҳтиёт қилинг!