Дам олиш кунларига яқин ҳаво кескин совийди. Ўзбекистонда ҳафталик об-ҳаво ҳақида маълумот берамиз ва ҳар кун учун 7 та образни таклиф қиламиз
Тошкент ва Ўзбекистоннинг бошқа вилоятларида об-ҳаво анча ўзгариб, бизга ҳақиқий “кузги ёз”ни совға қилишга қарор қилди. Бу ҳафта “Ўзгидромет” жуда қулай ва ҳатто иссиқ ҳавонинг қайтишини ваъда қилмоқда – ҳафтанинг ўртасида Ўзбекистон пойтахтида ҳаво ҳарорати +28 даражага етиши мумкин. Ёзги кўйлакларни йиғиштириб қўйишга шошилманг – бу охирги имкониятдан фойдаланиб, Маша ҳар кун учун 7 та образ яратди. Илҳомланинг ва доим жозибали бўлинг!
Тошкентда ҳафталик об-ҳаво
7-октябр
Ҳафтанинг бошида Тошкент, Самарқанд ва бошқа вилоятларда об-ҳаво мулойим бўлиши кутилмоқда. Ёмғир ёғмайди, кундузи ҳаво ҳарорати +25 даражага етиши мумкин. Ҳаво ҳали тўлиқ исиниб улгурмаган вақтда енгил ва миллий кийимлар кийиш истаги туғилади. Масалан, Teplo Store маҳаллий брендидан ипакли икат бундай об-ҳавога жуда мос келади.
8-октябр
Сешанба куни Тошкентда яна ҳам иссиқроқ бўлади. Кундузи ҳаво ҳарорати +27 даражага етади, шамол эса пасаяди ва бизга ёз қайтгандек туюлади. Бу жуда яхши, чунки 2024-йилги тренд – ярим шаффоф “лонгслив”, базавий топ ва енгил кроше-шим кийиш мумкин. Оддий ва замонавий.
9-октябр
Ҳафтанинг ўртасида термометр устунларида яна бир даражага кўтарилади – Ўзбекистон пойтахти +27 даражагача қизиши мумкин. Бундай ҳавода терлаб кетмаслик учун энг севимли кўйлагимизни кийиб олиш керак. Машанинг севимлиси – ипак, винтаж ва фукция рангли кўйлакдир. Ҳам камтарона, аммо шу билан бирга бу ёрқин кўйлак ишга, базмга ва кунлик кийишга мос.
10-октябр
Пайшанба куни Тошкентда ёзги иссиқликнинг сўнгги қайтиши кузатилади: +28, бироз булутли. Бу эса июн/июл/август ойларида кийишга улгурманган либосларни кийиш учун ажойиб фурсат. Машанинг бу образидаги танлови – “абадий яшил” гуллар билан безатилган узун кўйлак. Трендлардан ортда қолиб бўлмайди: унда асосий ранг – сариёғ рангдаги кийимларни кийиш тавсия қилинади.
11-октябр
Жума куни Ўзбекистонда ҳаво совиб, +26 даражага тушади, қуёш эса булутлар ортига яширинади. Ёмғир ёғмайди, шунинг учун хавотир олманг. Ҳафтанинг охири – образларнинг турли хилларини синаб кўриш учун ноёб имконият: масалан, тўй образида. Машанинг танлови бу сафар кенгиш фонар шаклидаги енглар ва воланлар билан безатилган кўйлак. Бу келинми ёки пирожними?
12-октябр
Шанба куни ташқарида ҳаво кескин совуқ бўлади – Тошкентда +20, ёмғир ёғиши эҳтимоли бор. Пледга ўраниб, уйда қолишга шошилманг. Маша аллақачон пушти оберсайз свитер, иккинчи қўлдан олинган гул нақшли юбка ва Зара замш казак ботинкаларида нонуштага жўнаб кетди. Дизайнеримиз ушбу суратда тасодифан уларни қирқиб қўйибди.
13-октябр
Якшанба куни Тошкентда ўша +19 даража, ёмғирли ва қуёшсиз кун. Шундай бўлса ҳам, биз 10 минг қадам юриш мақсадида сайрга чиқамиз ва ўзимиз билан иссиқроқ кийим ва соябон олишни ҳам унутмаймиз. Пахтали шим, кроссовкалар (Машада “Converse”), севимли футболка ва эркаклар гардеробидан олинган “Hugo Boss” пиджаги. Аксессуар сифатида доим қўлланиладиган гулларни, сумка ёки кучукча билан алмаштириш мумкин.
