Нейрон тармоқ «одатий хиёнатчилар» қандай бўлишини кўрсатди
Казинолардан бирининг маркетинг бўлими нейрон тармоғи ёрдамида ўртача хиёнатчи эркак ва аёлнинг қиёфасини яратди. Батафсил маълумотлар NY Post сайтида берилган.
50 нафар дўстингизни таклиф қилинг ва iPhone 16 Pro ютиб олинг
Тадқиқотчилар икки минг британияликдан уларнинг турмуш ўртоғига содиқлигига бўлган муносабатини сўрашди ва одамларнинг қиёфалари асосида хиёнатга мойил шахсларнинг ўртача типларини аниқладилар.
Эркак кишининг қиёфаси тахминан 40 ёшлардаги, кўзлари кулранг-мовий, юзида майда ажинлари бор, сочи сийрак ёки тепакал одам сифатида тасвирланди.
Тадқиқотчиларнинг хулосасига кўра, бевафо аёл эса тахминан 50 ёшлардаги келишган, қорача, бурни кичик ва лаблари ўртача катталикдаги аёл қиёфасида акс эттирилди.
Шунингдек, тадқиқот доирасида эркаклар кўпроқ хиёнат қилишлари аниқланди — сўровда қатнашганларнинг 35 фоизи буни тан олди. Аёллар орасида бу кўрсаткич 24 фоизни ташкил этди. Бундан ташқари, аёллар хиёнатдан хабар топгач, кўпинча ўз жуфтлари билан қолишни афзал кўришади.
