Том Ҳарди Гай Ричининг янги сериалида бош ролни ижро этади
«Веном» фильми юлдузи Том Ҳарди режиссёр Гай Ричи билан «Ёрдамчи» сериалини суратга олишда қайта ҳамкорлик қилади, дея хабар бермоқда Deadline.
Yangi yilga eng yaxshi sovg‘ani topdik. BU NIMA?
Дастлаб, лойиҳа «Рей Донован» (2013-2020) жиноят драмасининг спин-оффи бўлиши мўлжалланган эди, бироқ кейинчалик Ричи бу режалардан воз кечди.
«Ёрдамчи»га Ҳелен Миррен ва Пирс Броснан ҳам қўшилди. Сюжет нуфузли европалик мижозларининг жиноий ишларини ташкил этиш билан шуғулланувчи лондонлик гангстерлар оиласи ҳақида ҳикоя қилади.
Сценарий муаллифи Ронан Беннетт («Бошлиқ» сериалининг муаллифи) ҳисобланади. Сериал бу йил Парамоунт+ стрим-сервисида намойиш этилиши режалаштирилган. Биринчи мавсумда ўнта қисм суратга олинади.
Ҳарди илгари Ричи билан «Рок-н-ролчи» фильмида ишлаган. Октабр ойи охирида актёр «Веном» фильмининг якуний қисми «Сўнгги рақс»да роль ижро этади.
