Уйдаги чивинлардан қандай қутулиш мумкин?
Уйдаги чивинлар нафақат ёқимсиз, балки хавфли ҳам бўлиши мумкин, чунки улар турли касалликларнинг ташувчиси ҳисобланади.
Эътиборингизга уйдаги чивинлардан халос бўлиш ва уларнинг қайта пайдо бўлишининг олдини олишнинг баъзи самарали усулларни келтирамиз.
Тозаликни сақланг
Чивинларни озиқ-овқат қолдиғи ва ифлос идишлар жалб қилади. Сиртларни мунтазам ва нам тозалаш чивинларнинг озиқ-овқат манбаларини йўқотишга ёрдам беради. Ахлат қутиси ҳар доим ёпилганлигига ишонч ҳосил қилиб, уни ўз вақтида ташлашга одатланинг. Озиқ-овқат маҳсулотларини очиқ жойларда қолдирмаслик муҳимдир.
Дераза ва эшикка тўрлардан фойдаланинг
Чивинларнинг уйга киришига йўл қўймаслик учун дераза ва эшикларга чивинга қарши тўрларни ўрнатинг.
Ушбу оддий ечим ҳашаротлар ичкарига киришидан қўрқмасдан хоналарни шамоллатиш имконини беради.
Табиий қочирувчиларни қўлланг
Лаванда, райҳон ва ялпиз каби баъзи ўсимликлар чивинларни қайтарадиган ҳидга эга. Ушбу ўсимликларни дераза токчаларига жойлаштиринг ёки чивинларга қарши табиий тўсиқ яратиш учун эфир мойларидан фойдаланинг.
Чивин тузоқларидан фойдаланинг
Уйда фойдаланиш учун кўплаб чивин тузоқлари мавжуд. Бу сотиб олинган ёпишқоқ лентали тузоқ ёки пастки қисмида ўлжа бўлган банкалардан тайёрланган уй шароитидаги тузоқлар бўлиши мумкин (масалан, тешикли плёнка билан қопланган олма сиркаси).
Уй атрофини ҳам тартибли сақланг
Ҳовли ва уй атрофи, компост ўралари ва ахлат қутиларини мунтазам тозалаш ҳам уйдаги чивинларни камайтиришга ёрдам беради. Идишнинг қопқоқлари маҳкам ёпилганлиги ва чиқиндилар шамолдан учиб кетмаслигига ишонч ҳосил қилинг.
Тешик ва ёриқларни ёпинг
Чивинлар уйга кичик тешик ва ёриқлар орқали кириши мумкин. Уйни текшириб, уларнинг киришига йўл қўймаслик учун девор ва деразалардаги кўринадиган ёриқ ёки тешикларни ёпинг.
Уй ҳайвонлар суви ва гул вазаларини мунтазам равишда ўзгартиринг
Турғун сув чивинларни ўзига тортади, шунинг учун уй ҳайвонлари идиши ва гул вазаларидаги сувни мунтазам равишда алмаштиринг.
Юқоридаги усуллардан фойдаланиб, нафақат уйдаги чивинлардан халос бўлишингиз, балки уларнинг қайта пайдо бўлишини олдини олишингиз мумкин. Асосийси, чивинлар ўзлари учун жозибали жойларни топа олмайдиган шароитни яратишдир. Бу уйингизда қулайлик ва хавфсизликни таъминлашга ёрдам беради.
