O‘zbekiston aholisi 2025-yilda Qurbon hayitida necha kun dam olishi mumkin?
O‘zbekiston musulmonlari idorasi Fatvo markazi xabar berishicha, 2025-yilda Qurbon hayitining birinchi kuni 6-iyunga to‘g‘ri keladi.
Kinolarni bepul ko‘rish imkoniyati!
Islomiy taqvimga (Hijriy) ko‘ra, 28-may chorshanba kuni Zulhijja oyi boshlangan. Arafa kuni 5-iyunga, Qurbon hayitining birinchi kuni esa 6-iyunga to‘g‘ri keladi.
27-may kuni Saudiya Arabistoni Oliy sudi Qurbon hayiti kelasi juma — 6-iyun kuni nishonlanishini e’lon qildi. Xuddi shunday xabarni ertasi kuni Qozog‘iston musulmonlari diniy boshqarmasi ham tarqatdi.
Bundan tashqari, Bandlik va kambag‘allikni qisqartirish vazirligi o‘zining Telegram kanalida Prezidentning 2025-yil 26-martdagi PQ-124-sonli qaroriga muvofiq yangilangan 2025-yil uchun ish vaqti me’yorlari davomiyligi taqvimini e’lon qildi. Hujjatda Qurbon hayitining birinchi kuni 6-iyun (juma) kuniga to‘g‘ri kelishi ko‘rsatilgan.
Mehnat kodeksining 208-moddasiga ko‘ra, Qurbon hayiti bayramining birinchi kuni dam olish kuni hisoblanadi. Agar Qurbon hayiti 6-iyunga to‘g‘ri kelsa, besh kunlik ish haftasiga ega o‘zbekistonliklar ketma-ket uch kun — 6-iyundan 8-iyungacha (jumadan yakshanbagacha), olti kunlik ish haftasidagilar esa 6 va 8-iyun kunlari dam olishlari mumkin.
Biroq Qurbon hayitini nishonlash kuni O‘zbekiston musulmonlari idorasining tegishli e’lonidan so‘ng Prezident qarori bilan rasman tasdiqlanadi. Ushbu maqola e’lon qilingan paytda Qurbon hayitini nishonlash sanasi rasman tasdiqlanmagan edi.
O‘xshash mavzular
