Toshkent — Buxoro yo‘nalishida qo‘shimcha “Afrosiyob” poyezdi qatnovlari yo‘lga qo‘yiladi
Bayramlar munosabati bilan Toshkent — Buxoro — Toshkent yo‘nalishida qo‘shimcha “Afrosiyob” elektropoyezdi qatnovi yo‘lga qo‘yiladi. Qo‘shimcha poyezdlar 20, 25, 31-mart va 1-aprel kunlari harakatlanadi.
Kinolarni bepul ko‘rish imkoniyati!
Navro‘z va Ramazon hayiti bayramlari munosabati bilan Toshkent — Buxoro — Toshkent yo‘nalishida qo‘shimcha “Afrosiyob” elektropoyezdi harakati yo‘lga qo‘yiladi, deya xabar bermoqda “Temiryo‘lekspress” kompaniyasi matbuot xizmati.
Qo‘shimcha qatnovlar 20, 25, 31-mart va va 1-aprel kunlari harakatlanadi. Ularning jadvali quyidagicha:
- 778-sonli Toshkent — Buxoro yo‘nalishi: Toshkent 06:03 — Buxoro 10:14;
- 777-sonli Buxoro — Toshkent yo‘nalishi: Buxoro 17:55 — Toshkent 22:08.
Avvalroq bayramlar munosabati bilan Toshkent — Samarqand yo‘nalishida ham qo‘shimcha “Afrosiyob” elektropoyezdi qatnovi yo‘lga qo‘yilishi xabar qilingandi.
Eslatib o‘tamiz, 1-fevraldan boshlab “Afrosiyob” ekonom-klass chiptalari — 20 foizga, VIP va biznes-klass chiptalari — 25 foizga ko‘tarilgan.
O‘xshash mavzular
