21.09.2025
Kianu Rivz maxfiy ravishda nikohdan o‘tib, oila qurdi
Muallif
Shohzamon Shuhratov
Kianu Rivz 52 yoshli rassom sevgilisi Aleksandra Grant bilan yashirincha nikohdan o‘tdi. Tabloidlar xabar berishicha, marosim yozda, juftlikning Yevropa bo‘ylab sayohati paytida o‘tkazilgan.
Ichki manbalarning aytishicha, tadbir juda samimiy va kamtarona tarzda o‘tgan. Rivz va Grant uzoq vaqtdan beri turmush qurishni rejalashtirgan.
Eslatib o‘tamiz, mashhurlar 2019-yilda munosabat qurishgan. Shuningdek, ular birgalikda “Baxt madhiyasi” (2011) va “Soyalar” (2016) nomli ikkita kitob ham yozishgan.
Ularning munosabatlari, asosan, shaxsiy xarakterda bo‘lib, ommaviy axborot vositalaridan yashirin saqlanib kelingan.
