02.04.2025
Zulfiqor Musoqovning yangi filmi premyera qilinadi


Muallif
Shohzamon Shuhratov
Rejissyor Zulfiqor Musoqov tomonidan suratga olingan “Umida” (Fudziyama haqida tush) filmining premyerasi boʻlib oʻtadi. Bu haqda Kinematografiya agentligi axborot xizmati xabar berdi.
Qayd etilishicha, film 8- aprel kuni 18:00 da Milliy kino sanʼati saroyida namoyish etiladi.
Filmda rollarni Feruza Saidova, Mahliyo Asqaraliyeva, Otabek Musayev, Karim Mirxodiyev, Fotima Rejametova, Baxriddin Abdullayev, Ubaydulla Omon, Nigora Karimboyeva, Raʼno Shodiyeva kabi aktyorlar ijro etgan.
Maʼlumot uchun, film avval “Ninachi qanoti uchun kuy” (Fudziyama haqida tush) nomi bilan tanilgan, biroq endilikda “Umida” (Fudziyama haqida tush) deb atalmoqda.