“Daho” – hamma muhokama qilayotgan 2024-yilning mashhur seriali. Tomosha qilishga arziydimi?
Yangi turk seriali “Daho” matematikadan iste’dodli yigit haqida hikoya qiladi va tobora ko‘proq tomoshabinlarni o‘ziga jalb qilib, reytinglarini oshirib bormoqda. “Chuqur” yulduzi rol o‘ynagan bu serial nimasi bilan mashhur va bugungi kunda “Daho” haqida qanday fikrlar mavjud? Barcha tafsilotlarni quyida bilib olasiz.
Kinolarni bepul ko‘rish imkoniyati!
“Daho” serialining syujeti
Ayyor Iskandar uning qo‘lida haqiqiy olmos borligini tezda tushunib yetdi – uning o‘g‘li Davron matematikada ajoyib qobiliyat bilan tug‘ilgan. Biroq, u bu iste’dodni o‘g‘liga foyda keltirish uchun emas, balki firibgarlik sxemalarida ishlatish uchun qaror qiladi.
Oradan vaqt o‘tib, Iskandar nafaqat bolalarini tashlab ketadi, balki butunlay g‘oyib bo‘ladi. U boshqa bir oilani barpo etadi va o‘z firibgarliklarini davom ettiradi. Ammo bir kuni uni birinchi oilasidan bo‘lgan o‘g‘li topadi. Bu uchrashuv esa fojia bilan yakunlanadi. Vaholanki, yigit faqatgina otasining g‘ururlanishini xohlagan edi – axir u ilm-fanda inqilob qilgan va AQShda ish topgan.
Davron bolaligidan nafaqat matematikaga qiziqardi, u qo‘shnisi Esmega oshiq bo‘lgan edi. Ular voyaga yetib, bolalikdagi mehr-muhabbat haqiqiy sevgiga aylanadi. Ular birga turmush qurish va orzu qilgan mamlakatga ko‘chib o‘tishni rejalashtiradi. Biroq, bu rejalar qizning otasiga mutlaqo ma’qul emas.
“Daho” seriali: 1-qism
“Daho” seriali: reyting va tomoshabinlarning fikrlari
“Daho” serialining reytinglari ancha yuqori (atigi 2024-yilda premyera qilganini hisobga olsak). Kinopoisk tomoshabinlari hali faqatgina 1-mavsum chiqqaniga qaramay, uni 8,2 ball bilan baholagan. 2-mavsum esa 2025-yilda chiqarilishi kutilmoqda.
Serial bo‘yicha tomoshabinlarning fikrlari ijobiy bo‘lib, internetda “Daho” haqida salbiy izohlar uchrashi qiyin.
Ko‘pchilikning fikriga ko‘ra, “Daho” otalar va bolalar o‘rtasidagi abadiy muammolarni yorituvchi serial. Unda bolalikdagi ruhiy jarohatlar, oilaviy bosim va sevgi orqali kelgan qiyinchiliklar aks etgan.
Emotsional sahnalar – serialning asosiy kuchi hisoblanadi va shu sababli tomoshabinlar qahramonlar bilan birga barcha tuyg‘ularni boshdan kechirishadi, yig‘lashadi va o‘z bolaliklarini eslashadi. Shu bois serial shifo beruvchi ta’sir ko‘rsatadi.
“Bu serial drama, sevgi va bosh qahramonning matematik qobiliyatlari mukammal uyg‘unlashganligi uchun qiziqarli bo‘lishi kutilmoqda”
“Daho” nafaqat o‘zining syujeti, balki aktyorlar tarkibi bilan ham diqqatga sazovor. Asosiy rolda “Chuqur” yulduzi Aras Bulut Iynemli, Netflix’ning “O‘z uslubida” filmi yulduzi Axsen Eroglu va boshqa taniqli aktyorlar rol ijro etgan.
O‘xshash mavzular
