Dunyodagi eng mashhur qizlar – 2025-yilda ular bizning e’tiborimiz markazida bo‘ladi

Zendaya

Aktrisa, Tom Hollandning qallig‘i va “Eyforiya” seriali yulduzi – dunyoda eng ko‘p muhokama qilinadigan shaxslardan biri. U faqat kuchli rollari tufayligina emas (uning kolleksiyasida “Dune” va “Challengers” kabi kuchli filmlarda rollari bor), balki uning imidji sabab hamdir. Stilist Lo Rouch bilan birgalikda Zendaya hayotda ham, qizil yo‘lakchalarda ham ko‘zni quvontiradigan ajoyib obrazlar yaratadi. U har doim yirik marosimlarda qatnashadi, lekin hali mukofotga sazovor bo‘lgani yo‘q. Mutaxassislar bir fikrda: Zendaya ajoyib aktrisa, ammo hali “Oskar” mukofotiga biroz bor deb o‘ylashadi. Ayni paytda uning boyligi 22 million dollarni tashkil etadi. Bu esa faqat boshlanishi! Ayniqsa, HBO tomonidan chiqarilishi kutilayotgan “Eyforiya”ning yangi mavsumi uchun unga har bir qismi uchun 1 million dollar taklif etilayotganini hisobga olsak.

Bella Hadid

“Dunyodagi eng chiroyli ayollardan biri” deb e’tirof etilgan (oltin o‘lcham nazariyasiga ko‘ra), supermodel va The Weeknd’ning sobiq sevgilisi. Ha, bularning barchasi Hadid haqida! U bir necha marta dunyoning eng yuqori maoshli modeli deb tan olingan. Bella Vogue jurnali muqovasida eng ko‘p ko‘ringan model sifatida rekord o‘rnatishga yaqin, hashamatli brendlarning sevimlisi va internet qidiruvlarida eng mashhur nomlardan biri. Instagram’dagi obunachilari soni 60 milliondan oshadi. 2024-yilda Bella 25 million dollar daromad qildi, bu esa kasallik sababli faoliyatidagi tanaffusga qaramay erishilgan natija. Yulduz Laym kasalligidan aziyat chekadi va o‘tgan yilning yarmini reabilitatsiya markazida o‘tkazdi.

Kim Kardashyan

Kanye Uestning sobiq rafiqasi, tadbirkor, bloger, model, inflyuenser va realiti-shou yulduzi o‘z samaradorligi bilan barchani hayratda qoldirishda davom etmoqda. Peris Xiltonning “ko‘rimsiz dugonasi” bo‘lgan kunlar endi unutilgan. Bugungi kunda Kim milliardlarni boshqaradi, farzandlarini tarbiyalaydi, “Skims” ichki kiyim brendini rivojlantiradi, Dolce & Gabbana bilan hamkorlik qiladi, yangi trendlar yaratadi va ijtimoiy tarmoqlarda o‘z nomi ostida qimmat shartnomalar tuzadi. U shu qadar muvaffaqiyatli ishlayaptiki, 2025-yilda Forbes’ning o‘z kuchi bilan boyigan ayollar ro‘yxatiga kirdi. Uning boyligi 1,7 milliard dollar deb baholanmoqda. O‘rnak bo‘ladigan shaxs, shunday emasmi?

Teylor Svift

Yangi pop-ikonasi, yaqin orada Beyons va Madonnani ham ortda qoldirishi mumkin bo‘lgan yulduz va Forbes ro‘yxatidagi yana bir ishtirokchi – qo‘shiqchi Teylor Svift. Uning konsertlari – eng katta, kliplari – eng muhokama qilinadigan, mukofotlari esa eng nufuzli (u Time talqiniga ko‘ra yil odami ham bo‘lgan). Uning “Eros Tour” turnesi haqida eshitganmisiz? Bu turne yulduzga har bir konsertdan 10-12 million dollar daromad olib kelgan va uni dunyoning eng yuqori maoshli mashhurlaridan biriga aylantirgan. Teylorning boyligi bugungi kunda 1,1 milliard dollar deb baholanmoqda, uning mashhurligi esa kun sayin o‘smoqda.

Sabrina Karpenter

Sabrina Karpenterni fenomen deb atash mumkin. 2024-yilda u butun dunyo bo‘ylab virus kabi tarqaldi. Kimdir uni Merilin Monro bilan solishtiradi, boshqalar esa uni “bir kunlik yulduz” deb atashadi (bu noto‘g‘ri), lekin hamma unga qoyil qolmoqda. Fakt shuki: hech qayerdan paydo bo‘lgan Karpenter qisqa vaqt ichida eng zo‘r tadbirlarning eng ko‘zga ko‘ringan yulduziga aylandi, platinali albom yozdi, ko‘plab ajoyib kliplar suratga oldi, nufuzli musiqa mukofotlarini qo‘lga kiritdi, Teylor Sviftning turnesida chiqish qildi va “Time 100 Next” ro‘yxatiga kirdi – bu ro‘yxatni dunyoni o‘zgartirayotgan yosh yulduzlar egallaydi. Shubhasiz, biz 2025-yilda ham uni kuzatishda davom etamiz.