Krishtianu Ronaldu sudga berildi. Tafsilotlar
Saudiya Arabistonining “An-Nassr” klubi va Portugaliya terma jamoasi hujumchisi Krishtianu Ronaldu Angliyada kosmetik xizmatlar uchun toʻlovlarni amalga oshirmagani uchun sudga berildi.
Setanta Sportsda qayerda bo‘lishingizdan qat’i nazar, sport voqealarini tomosha qiling! Qurilmangizda bir vaqtning o‘zida to‘rttagacha voqea!
Kosmetolog Roshan Ravindranning taʼkidlashicha, portugaliyalik futbolchi 2021 va 2022-yillarda “Manchester Yunayted”da oʻynagan vaqtida olgan muolajalari uchun pul toʻlamagan. Gap 40 ming funt sterling miqdoridagi summa haqida ketmoqda. Mutaxassis botoks, filler, terini parvarish qilish va qosh koʻtarish boʻyicha faoliyat olib boradi.
Daʼvoda aytilishicha, u Cheshir klinikasida Ronaldu va uning oila aʼzolari uchun ishlagan. Manchester va Londonda klinika filiallarini boshqaradigan doktor Roshdan izoh soʻralganida: “Bu yerda huquqiy masala davom etmoqda va men professional sifatida bemorlarimni muhokama qilmayman”, deya javob bergan.
Joriy mavsumda Ronaldu klub safida barcha turnirlarda 14 ta oʻyin oʻtkazib, 10 ta gol va 2 ta golli uzatmaga mualliflik qilgan. Futbolchining amaldagi klubi bilan amaldagi mehnat shartnomasi 2025-yilning yoziga qadar amal qiladi. Transfermarkt internet portalida berilgan maʼlumotlarga koʻra, 39 yoshli futbolchining bozor qiymati 15 million yevroni tashkil qiladi.
