Makoley Kalkin “Uyda yolg‘iz” filmining eng yaxshi qismi qaysi ekanini aytdi
“Uyda yolg‘iz” komediyasi yulduzi Makoley Kalkin Hot Ones ko‘rsatuvining mehmoni bo‘ldi. Suhbat paytida u filmning davomi “Nyu-Yorkda adashib qolgan”ni ikki qismning eng yaxshisi deb ta’kidladi.
“Menga ko‘proq haq to‘lashgan. Chamasi, sof sotuvning 5 foizi va filmdagi barcha mahsulotlar sotuvining 15 foizi menga tegishli. Agar siz Talkboy [filmda Kevin Makkallister foydalangan kassetali diktofon]ni xarid qilsangiz, 15 foizini o‘zimga olaman, katta rahmat!” - deya izoh berdi Kalkin.
Ilk “Uyda yolg‘iz” filmi 1990-yilda, “Nyu-Yorkda adashib qolgan” esa 1992-yilda ekranlarga chiqqan. Filmlar jami 835 million dollar yig‘di. Kalkin birinchi qism uchun 110 ming dollar, davomi uchun esa 4,5 million dollar gonorar olgan.
Kalkin yaqin orada Prime Video`ning “Follaut” seriali ikkinchi mavsumida ko‘rinish beradi.
