Parij moda haftaligi 2025 boshlandi: barchaning diqqat markazida Jacquemus va Lanvin ko‘rgazmalari
“Pret-a-porte” haftaligi boshlanishidan avval ikkita muhim moda namoyishi bo‘lib o‘tdi. Jacquemus La Croisière yangi kolleksiyasi Parij markazidagi kichik kvartirada taqdim etildi, Lanvin esa 50-yillar dekorativ san’at ko‘rgazmasi uslubida jihozlangan lokatsiyani tanladi. Har ikkala brend o‘sha davr modasini qayta talqin qilib, mashhur dizaynerlarni yodga oldi va o‘zlarining betakror uslublarini namoyish etdi. Tomosha qilamiz va ilhomlanamiz!
O‘xshash mavzular
04.02.2025
O‘xshash mavzular
31.01.2025
O‘xshash mavzular
30.01.2025
Jacquemus La Croisière
Jacquemus nafaqat dunyoning eng mashhur qizlarini tomoshabinlar qatoriga, balki podiumga ham taklif qildi. Namoyishni poplin matosidan tikilgan oppoq korsetli libosda Anjelina Kendall ochib berdi. Uning ortidan supermodel Kristi Tarlinton, Adriana Lima va Irina Sheyk chiqish qildi. Mutaxassislar Jacquemus yangi kolleksiyani yaratishda Dior’ning arxiv kolleksiyalari va “New Look” silueti, shuningdek, (ajablanarli) Merilin Monro obrazlaridan ilhomlangan deb taxmin qilishmoqda!
Kolleksiya xususiyatlari: retro shakllar, belning pastda joylashuvi, mo‘yna bilan bezatilgan paltolar, kokon shubalar, volan va drapirovkalar. Brendning taniqli aksessuarlari ham e’tibordan chetda qolmadi: tez orada yangi Jacquemus Le Bambino sumkasi yoki ushbu mavsumning trendi – fermuarli klatch (hatto baget shaklidagisi ham bor!) xarid qilish uchun hamma bayyerlar bilan bog‘lanadi deb bashorat qilinmoqda. Simon fikriga ko‘ra, eng zamonaviy printlar: no‘xatli naqshlar, animalistik va, albatta, banan bilan bezatilgan o‘ynoqi naqshlar.
Lanvin fall 2025
Lanvinning yangi kolleksiyasi o‘ziga xos ahamiyatga ega, chunki bu brendning yangi kreativ direktori Piter Kopping uchun debyut hisoblanadi. U ushbu kolleksiyani brend asoschisi Janna Lanvanga bag‘ishladi.
“Bu kolleksiya men uchun juda shaxsiy. Bu – Janna va uning o‘ziga xos uslubiga hurmat. Men uni shaxsiy garderobiga moslab yaratmadim. Balki u hozir qanday ko‘rinishda bo‘lganini tasavvur qilib yaratdim”, — dedi Kopping namoyishdan avval.
Kolleksiya minimalistik va ehtiyotkorlik bilan ishlangan bo‘lib, Janna Lanvan kabi uslubga ega. O‘sha davrning nafisligi bilan birga, 2025-yilning trendlari ham: assimetriya, ikki yoqali jaket va paltolar, nafis siluetlar, oltin va metall effektlar kiritilgan.
Lanvinning boshqa ajralib turuvchi xususiyatlari ham saqlanib qolgan: ko‘plab baxmal, atlas, yaltiroq bezaklar va moda blogerlarining garderoblarida o‘z o‘rnini topishga tayyor aksessuarlar, jumladan, zamsh qo‘lqoplar, peep-toe (oldi ochiq) tuflilari va tuguncha shaklidagi sumkalar.
O‘xshash mavzular
