Ruslan Nuriddinov oʻz rekordini yangilab, uch karra jahon chempioni boʻldi
Bahraynda ogʻir atletika boʻyicha jahon chempionati oʻtkazildi. Chempionatda Ruslan Nuriddinov jahon rekordini yangilab, uch karra jahon chempioni boʻldi.
Yangi yilga eng yaxshi sovg‘ani topdik. BU NIMA?
-109 kg vazn toifasida ishtirok etgan Nuriddinov dast koʻtarish mashqida 182 kg bilan beshinchi oʻrinni band etgan boʻlsa ham, siltab koʻtarish dasturida yuksak mahorat koʻrsatib, 242 kg bilan 3 yil avval Toshkentda oʻzi oʻrnatgan jahon rekordini yangiladi.
Shu tariqa, u umumiy hisobda 424 kg natija qayd etdi va uchinchi bor ikki kurash boʻyicha jahon chempionligiga erishdi.
Dast koʻtarish yoʻnalishida oltin medalga ega chiqqan Sharofiddin Amriddinov siltab koʻtarishda 212 kg bilan oltinchi, umumiy hisobda esa 396 kg bilan beshinchi boʻldi.
Shu tariqa, Oʻzbekiston terma jamoasi ushbu dunyo birinchiligini 3 ta oltin, 1 ta kumush va 2 ta bronza medallari bilan yakunladi.
