Uesli Snayps Marvelʼda eng uzoq vaqt suratga tushgan aktyorga aylanadi
Snayps birinchi marta 1998-yilda vampir ovchisi Bleydni gavdalantirgan — 25 yil va 240 kundan keyin u “Dedpul va Rosomaxa” filmida epizod rolni ijro etish uchun Marvelʼga qaytdi.
“Bleyd” trilogiyasi yulduzi Uesli Snayps Ginnesning rekordlar kitobiga kirdi. Aktyor avvalgi rekordni yangilab, Marvel kino olamidagi eng uzun karyera egasiga aylandi.
Snayps birinchi marta 1998-yilda vampir ovchisi Bleydni gavdalantirgan — 25 yil va 240 kundan keyin u “Dedpul va Rosomaxa” filmida epizod rolni ijro etish uchun Marvelʼga qaytdi. Aktyor 2000-yildan beri Rosomaxa rolini oʻynagan Xyu Jekmanni, shuningdek, Ser Patrik Styuartni (Professor X) ortda qoldirdi.
Snaypsning yana bir rekordi Marvel qahramoni sifatida ekrandagi chiqishlar orasidagi uzoq tanaffusga tegishli — 19 yil 231 kun. Avvalgi yutuq Alfred Molinaga (Doktor sakkizoyoq) tegishli edi — “Oʻrgimchak odam 2” va “Uyga yoʻl yoʻq” filmlari oʻrtasidagi farq esa 17 yil.
Shuningdek, “Dedpul va Rosomaxa” kameosi Kris Evans (Olov odam), Jennifer Garner (Elektra) va Chenning Tatum (Gambit) oʻz ichiga olgan. Film oʻtgan hafta ekranga chiqdi va 630 million dollar ishlab olishga muvaffaq boʻldi.
Marvel hozirda Mahershala Ali ishtirokidagi yangi Bleyd ustida ishlamoqda. Film hali rejissyorga ega boʻlmagan boʻlsada, chiqarilish hali 2025-yil 7-noyabrga rejalashtirilgan. Snayps filmning qayta ishlanishiga shubha bilan qaradi va hatto suratga olish jarayonidagi kechikishlar haqida hazil qildi.
