23.11.2024
Xonanda Shahlo Ahmedova katta yangilikni eʼlon qildi (video)
Muallif
Shohzamon Shuhratov
Taniqli qoʻshiqchi Shahlo Ahmedova soʻnggi vaqtlarda ijodiy faollikni oshirmoqda. Hozirda u oʻzining yangi taronasini taqdim etdi.
Xonanda Shahlo Ahmedova ijodida kichik tanaffusdan keyin yana yangiliklar boshlandi. U “Kuz” deb nomlangan qoʻshigʻini taqdim etdi.
Instagramʼda joylangan postda qoʻshiqchini mashina rulida tor koʻchalardan ketayotganini, yonidagi oʻrindiqda katta guldasta turganini koʻrish mumkin.
Tarona matnida kechagi kun endi juftlik uchun xotiraga aylangani, ortga qaytib boʻlmasligi va muallif ayrilgan juftiga toʻliq oʻrganib qolgani haqida aytiladi.
Xonanda sentyabr oyi boshida ham “Avayla” deb nomlangan qoʻshigʻi va unga ishlangan klipni muxlislari eʼtiborga taqdim etgandi. Klip YouTubeʼda 1 million marta koʻrilgan.
