2025-yilning go‘zallik trendlari: anime uslubidagi sochlar, “sovunli” tirnoqlar va fillerlarsiz tabiiy ko‘rinish

Tabiiy go‘zallik

2025-yilning asosiy go‘zallik trendlaridan biri tabiiylik va go‘zallik ukollari yo‘qligini qo‘llab-quvvatlaydi. Mashhur yulduzlar birin-ketin fillerlarni olib tashlamoqda va yumshoqroq, foydali muolajalar – masalan, biorevitalizatsiya kabi xizmatlarga murojaat qilishmoqda. Mutaxassislar aralashuvisiz bo‘lmaydi, albatta, ammo bu “ko‘rinmas” tarzda amalga oshirilishi trendga aylanib bormoqda. Eng yaxshi kosmetologlar va go‘zallik mutaxassislari aynan shunday deb hisoblaydi.

“Sovunli” tirnoqlar

2025-yilning eng mashhur manikyur g‘oyalaridan biri – #soapnails trendi ijtimoiy tarmoqlarda allaqachon virusga aylangan. Bu shunchaki tirnoqlar uchun tabiiy rangli qoplama emas (teringiz rangiga mos keluvchi), balki to‘g‘ri teksturali qoplama (yaltiroq yoki mat) va tirnoqlarning mukammal ishlovidir. To‘g‘ri tushundingiz, bu ham tabiiylik va parvarish haqida – “sokin hashamat”ning asosiy unsurlari hisoblanadi.

Anime uslubidagi soch turmagi

2025-yilning “Oltin globus” kinofestivali qizil gilamida eng ko‘p e’tiborni jalb qilgan soch turmagi – Mayli Sayrus tomonidan namoyish etilgan anime uslubidagi yig‘ma sochlar edi. Bu uslubni qo‘shiqchining shaxsiy stilisti yaratgan va uni anime qahramonlariga xos ko‘rinish sifatida taqdim etgan. Bu soch turmagi qanday ko‘rinishga ega deysizmi? Bu sochlarni gel va lak yordamida tepada tarqalib turgan ko‘rinishi. Biroz beparvo, “tikanli” va pank-efektga ega soch turmagi.

Retro uslubdagi sochlar

Pank uslubidagi yulduz rolini o‘zlashtirishga tayyor bo‘lmagan, ammo ko‘proq ayollarga xos nafis turmak izlayotganlar uchun retro uslubdagi sochlar. 2025-yilning go‘zallik trendlari butun yil davomida muhim o‘rin egallaydi: bu Marlen Ditrix va Merilin Monro uslubidagi to‘lqinlar yoki Odri Xepbernning dumaloq bob sochlari bo‘lishi mumkin.

Aura makiyaji

Pinterest mutaxassislari ishonch bilan aytishmoqda – 2025-yilda barcha go‘zallik ixlosmandlari aura makiyajini sinab ko‘radi. Unda yorqin, ranglar o‘tishi bilan va 90-yillardagi kamalakli o‘yinchoq prujinaga o‘xshash elementlar mujassam. Rang-barang ko‘z bo‘yog‘i, binafsha rumyana va bu cheksiz fantaziyangizni qo‘llash imkoniyatini beradi. Makiyaj uchun mo‘ljallangan cho‘tkalaringizni tayyorlang, ranglarni yumshoq o‘tishlarini o‘rganing va o‘z yuzingizda san’at asarlarini yarating!

Agar estetika va tendensiyalar olamiga yanada chuqurroq sho‘ng‘ishni istasangiz, 2025-yilning eng zamonaviy trendlariga e’tibor qarating. Ularni kiyishadi, stilizatsiya qilishadi va shunga o‘xshash boshqa jihatlari bilan tanishasiz.