Homiladorlikda chalqancha yotish mumkinmi va qanday chalqancha yotish holatlari yaxshiroq

Rostdan ham chalqancha yotish zararlimi?

Homilador ayollarga umuman uzoq vaqt chalqancha yotish tavsiya etilmaydi, chunki bu holatda bachadon pastki kovak venani ezib qo‘yadi. Bu onaning o‘zini ham hushidan ketishiga olib kelishi va yo‘ldoshda qon aylanishini buzishi mumkin. Natijada, bolada kislorod tanqisligi, onada esa preeklampsiya rivojlanishi mumkin [1]. Ushbu mavzu bo‘yicha o‘tkazilgan barcha tadqiqotlarning tahlili shuni tasdiqladiki, chalqancha uxlash odati homiladorlikning salbiy oqibatlari ehtimolini oshiradi [2].

Qaysi yonbosh bilan yotish foydaliroq?

Uzoq vaqt chap tomonda deb hisoblangan [1]. Ammo tadqiqotlar shuni ko‘rsatdiki, haqiqiy xavf faqat chalqancha uxlashda yuzaga keladi. Chap yoki o‘ng yonbosh - bola uchun farqi yo‘q. Faqat onaga qulay bo‘lsa bas [2].

Men yonboshlab yotaman. Lekin uyquda ag‘darilib ketishim mumkin. Bu zararlimi?

Odatda, biz tunning ko‘p qismini uxlagan tomonimizda o‘tkazamiz [2]. Biroq, kuzatuvlar shuni ko‘rsatdiki, haqiqatan ham ko‘pchilik ayollar ag‘darilib, tungi uyquning 26% gacha chalqancha yotgan holda o‘tkazadilar. Shuning uchun shifokorlar sizning ag‘darilishingizga to‘sqinlik qiladigan turli xil moslamalardan foydalanishni tavsiya qiladilar [1].

Qanday moslamalar?

Amerikada buni tennis to‘pi texnikasi deb atashadi - nima bo‘lsa ham, chalqancha yotganingizda sizni uyg‘otib yuborsa bas. Eng oddiy variant - stol tennisi to‘pchasi. U orqadagi ko‘ylak cho‘ntagiga tikiladi [3]. Ag‘darilib, uning ustiga yotganda noqulaylik sezasiz va uyg‘onasiz. Ushbu usul ko‘pincha uyqu apnoesi (xurrak) bilan kurashish uchun tavsiya etiladi va faqat bir sababga ko‘ra unchalik samarali emas deb hisoblanadi: hech kim unga bir umr sodiq qolishni xohlamaydi. Ikki-uch oy qiynalgandan so‘ng, odamlar bundan voz kechishadi [4]. Ammo homiladorlikning oxirgi uch oyligida ikki-uch oy - bu bolani xavfsiz tug‘ish uchun aynan kerak bo‘lgan muddat.

Oddiy yostiq yordam bermaydimi?

Yostiqlar, odatda, yo yengil bo‘lib, siz ag‘darilganingizda siljiydi, yoki yumshoq bo‘lib, siz bemalol yostiq ustida chalqancha yotishni davom ettirasiz. Shuning uchun yostiqni oyoqlar orasiga yoki qorin ostiga qo‘yib, qulay joylashish mumkin. Lekin u sizni kechasi yonboshlab turishingizni ta’minlay olmaydi. Lekin u sizni kechasi yonboshlab turishga kuchi yetmaydi.

1. Typical Sleep Positions in Pregnant Women. Louise M. O’Brien, Jane Warland. Early Human Development, 2014. https://www.ncbi.nlm.nih.gov/pmc/articles/PMC4005859/
2. An Individual Participant Data Meta-analysis of Maternal Going-to-Sleep Position, Interactions with Fetal Vulnerability, and the Risk of Late Stillbirth. Robin S. Cronin, Minglan Li, et al. The Lancet, Apr. 2019. https://www.sciencedirect.com/science/article/pii/S2589537019300549?via%3Dihub#aep-article-footnote-id1
3. Modifying maternal sleep position in the third trimester of pregnancy with positional therapy: a randomised pilot trial. Allan J. Kember, Heather M. Scott, et al. BMJ Open, 2018. https://www.ncbi.nlm.nih.gov/pmc/articles/PMC6119420/
4. Sticking with the Position. Sree Roy. Positional Therapies for Supine Sleep Avoidance, 2015. https://www.sleepreviewmag.com/sleep-treatments/therapy-devices/positional-therapies-supine/sticking-position/