Irina Sheyk va boshqalar: 2025-yilda dunyodagi eng boy modelllar
Moda olamida uslub va muvaffaqiyat yonma-yon yuradi. Ayrim modellarning nafaqat podiumlarni zabt etgani, balki hayratlanarli darajadagi boylik to‘plagani ham bunga misol bo‘la oladi. 2025-yilda dunyodagi eng boy modellar orasida aynan quyidagi ayollar ajralib turadi.
Kinolarni bepul ko‘rish imkoniyati!
Kendall Jenner – $40 million
Kendall Jenner 2025-yilda ham dunyoning eng ko‘p haq to‘lanadigan modeli maqomini saqlab qolmoqda – uning daromadi 40 million dollarni tashkil qiladi. Uning muvaffaqiyati nafaqat model sifatida, balki tadbirkorlik loyihalari, jumladan 818 tekila brendi va FWRD moda riteyleri uchun kreativ direktor sifatidagi ishtiroki bilan ham bog‘liq. Instagram’dagi 290 milliondan ortiq obunachisi bilan Kendall birgina reklama posti uchun 1,29 million dollargacha daromad oladi. Bu esa uni moda va biznes olamida muhim inson ekanligini ta’kidlaydi.
Jizel’ Byundhen – $33 million
Jizel’ Byundhen faol model sifatida sahnadan chekingan bo‘lsa-da, uzoq muddatli shartnomalar hamda ekologik va salomatlik yo‘nalishidagi loyihalarda ishtirok etishi evaziga katta daromad topishda davom etmoqda. Uning barqaror brendi va obro‘si unga 2025-yilda 33 million dollar daromad olib keldi va u eng ko‘p daromad qiluvchi modellar ro‘yxatida qolmoqda.
Rouzi Hantington-Uaytli – $32 million
Jeyson Stetham’ning rafiqasi, bloger va sobiq Victoria’s Secret farishtasi Rouzi Hantington-Uaytli 32 million dollar daromad bilan uchinchi o‘rinni egallaydi. Uning muvaffaqiyati mashhur moda brendlari bilan hamkorligi va go‘zallik sanoatidagi muvoffaqiyatli loyihalari bilan bog‘liq. Instagram’dagi reklama postlari orqali olgan daromadlari ham Rouzi’ning biznes qobiliyatini yaqqol ko‘rsatmoqda. Uning tadbirkorlik jihati qonida borligi shubhasiz!
Irina Sheyk – $25 million
Rossiyalik supermodel Irina Sheyk xalqaro moda sahnasida porlashda davom etmoqda. Uning boyligi 25 million dollar deb baholanmoqda, bu esa uni Rossiyadan chiqqan eng muvaffaqiyatli modellardan biriga aylantiradi. Victoria’s Secret, Fendi, Chanel va Vivienne Westwood kabi brendlar bilan hamkorligi, shuningdek Vogue va Harper’s Bazaar jurnallarining muqovalarida paydo bo‘lishi uning obro‘-e’tiborini va modadagi talabgirligini tasdiqlaydi. (The US Sun)
Bella Hadid – $19 million
Bella Hadid 2025-yilda 19 million dollar daromad bilan modadagi pozitsiyasini mustahkamlashda davom etmoqda. Dior, Givenchy va Balenciaga kabi brendlar bilan hamkorligi, ijtimoiy tarmoqlardagi faolligi va ruhiy salomatlik haqidagi xabardorlik kampaniyalaridagi ishtiroki uni mashhur va ta’sirli modelga aylantirgan.
2025-yil modasi shuni ko‘rsatmoqdaki, model muvaffaqiyati nafaqat tashqi ko‘rinish va podiumdagi chiqishlarga, balki shaxsiy brendni yaratish, biznes yuritish va ijtimoiy tarmoqlarda faol bo‘lish qobiliyatiga ham bog‘liq. Irina Sheyk, Bella Hadid va boshqa soha yetakchilari shuni isbotlaydiki, iste’dod, tadbirkorlik qobiliyati va jamoatchilik faolligi moliyaviy muvaffaqiyat va global e’tirofga olib keladi.
O‘xshash mavzular
