12.12.2024
Abduqodir Husanov Oʻzbekistonning eng qimmat futbolchisiga aylandi
Muallif
Shohzamon Shuhratov
Germaniyaning Transfermarkt portali Fransiya chempionatida oʻynayotgan futbolchilarning transfer qiymatini yangiladi.
Portal maʼlumotlariga koʻra, Abduqodir Husanovning transfer qiymati 5 million yevrodan 12 million yevroga koʻtarildi. Oʻzbekistonlik 20 yoshli himoyachining transfer narxi 7 million yevroga oshdi. Bu “Lans” jamoasi oʻyinchilari orasida eng katta oʻsish hisoblanadi.
Shunday qilib, Husanov Abbosbek Fayzullayev (6 million yevro) va Eldor Shomurodovni (5 million yevro) ortda qoldirib, Oʻzbekistonning eng qimmat futbolchisi boʻldi.
