«Senga oshiqman» seriali aktyorlar 11 yil ichida qanchalik o‘zgardi? Ularning o‘sha paytdagi va hozirgi holatini solishtirib ko‘ramiz.

Ranvir yoshligidan nufuzli tadbirkor Xarshaning qizi Ishanini yoqtiradi. U Ishanilar xonadonida xizmatkor bo‘lib ishlaydi va ularning juda turli xil ijtimoiy mavqedagi oilalari o‘rtasida kelajak yo‘q, deb hisoblaydi. Ranvir o‘z his-tuyg‘ularini sir saqlaydi, chegara saqlab turadi va qizning hech bo‘lmaganda yonida bo‘lishni orzu qiladi.

Ishaniyning otasi qizini bir qarashda namunali, yaxshi mavqega ega, tashqi ko‘rinishidan obro‘li kuyov — Chiragga uzatishni rejalashtirmoqda. Ranvir Chiragning soxta va manfaatparast odam ekanligini bilsa ham, bu munosabatlarni buzishga urinmaydi, chunki u Ishaniyning kambag‘al xizmatkor bilan ittifoqdan ko‘ra yaxshiroq taqdirga loyiq ekanligiga chin dildan ishonadi. Ammo asta-sekin syujet aylanib, taqdirning burilishlari qanday bo‘lishi mumkinligini ko‘rsatadi.

Serial namoyish etilganiga ham 11 yil bo‘ldi. Toping.uz o‘quvchilari uchun biz aktyorlarning loyiha boshidagi suratlarini to‘pladik va ularni bugungi ko‘rinishi bilan taqqosladik. Kimdir umuman o‘zgarmagan, kimdir esa qiyofasini tubdan o‘zgartirgan. Yaxshilab ko‘ring, bunga o‘zingiz ham hayron qolasiz. Shu bilan birga, bu voqeani nima uchun bunchalik sevib tomosha qilishganini yodga oling.

38 yoshli aktyor Shakti Arora (Ranvir) tom maʼnodagi mashhurlikka aynan “Senga oshiqman” serialidan keyin erishgan. U serialdagi ishtiroki uchun koʻplab televizion nominatsiyalarda sovrindor boʻlgan. Aktyor 2024-yilda biografik serialda rol ijro etdi.

29 yoshli aktrisa Radhika Madan (Ishani) ayni paytda oʻzining karyerasidagi eng yuqori choʻqqilarni zabt etmoqda. U yaqindagi hind kinosi afsonasi Akshay Kumar bilan birgalikda “Omad tilaymiz” deb nomlangan melodramada suratga tushdi. Madan, shuningdek, Forbesʼning 30 yoshgacha boʻlgan eng omadli insonlar roʻyxatiga kiritilgan.

Ravjit Singx (Chirag) serialdagi antogonist roli bilan barchaga yaxshi tanish boʻlsa kerak. U Ishaniga faqat puli uchun uylanmoqchi boʻladi. Ammo Ranvir bundan xabar topib, Ishanini ogohlantiradi. Singx shu yil yozda Prime Video striming xizmati suratga olgan filmda suratga tushdi.

Utkarsha Naik (Amba, Ranvirning onasi) hind kinosidagi ona obrazi bilan muxlislar koʻnglidan joy olgan boʻlib, u ham serialda tushunarsiz va ziddiyatli obrazlardan birini gavdalantirgan. Aktrisa ayni vaqtda Instagramʼda fudbloger boʻlib faoliyat yuritadi va sogʻlom turmush tarzining asosiy targʻibotchilaridan biridir.

Arjun Bijlani (Shikhar) 2024-yilda “Hazilkash oshpaz” deb nomlangan realiti-shouda suratga tushdi va ushbu koʻrsatuv muxlislar tomonidan iliq kutib olindi. Aktyor va uning hamkasbi Karan Kundra boshlovchiligidagi shou keyingi mavsumga ham uzaytirildi.

34 yoshli aktrisa Smriti Xannaning (Ritika) shaxsiy hayoti va ijodiy faoliyatiga oid yangiliklar juda kam. U 2022-yilda “Dappa” deb nomlangan veb-serialda Kavita obrazini gavdalantirgan. Instagramʼdagi suratlardan aktrisa ayni paytda sevimli ayol va ona vazifasini koʻproq bajarayotganini koʻrish mumkin.

Ushbu maqola yordamida sizga xotiralar olamiga shoʻngʻishga yordamlasha olgan boʻlsak, oʻz vazifamizni toʻliq bajargan boʻlamiz. Toʻplamni serialni sevib tomosha qilgan yaqinlaringizga ham ulashib, ularni hayratda qoldirishni unutmang. Keyingi maqolalarda koʻrishguncha, oʻzingizni ehtiyot qiling!